بوگون "چهارشنبه" کابلده خبری ییغین اوتکزگن ساغلیقنی سقلش وزیری وحیدالله مایار نینگ ایتیشیچه، اوتگن 24 ساعت جریانیده 185 شبههلی واقعه کابل و هراتده سیناودن اوتکزیلگن و بو جملهدن 22 تهسی ایجابی تانیلگن.
اونینگ کوپهیتیریشیچه، 12 واقعه هراتده، 6 واقعه کابلده ، 1 واقعه فراه ده، 1 واقعه غزنیده، 1 واقعه بغلانده و باشقه بیر واقعه پکتیکا ده ایجابی تانیلگن.
ساغلیقنی سقلش وزیرلیگی سوزلاویچسیگه کوره، اوشبو 22 واقعه ایجابی تانیلگنیدن سونگ، مملکت بوییچه 4 چیتایللیک حربی شامل 200 کیشی کرونا ویروسیگه چلینگن.
ساغلیقنی سقلش وزیرلیگی نینگ اعلان قیلیشیچه، حاضرگهقدر کرونا ویروسیگه چلینگنلردن 10 تهسی درمانلنگن و باشقه 4 تهسی جان بیرگن.
ساغلیقنی سقلش وزیرلیگی سوزلاوچیسیگه کوره، هراتدن سونگ، کابل 16 ایجابی واقعه بیلن ایکینچی اورینگه قرار تاپگن.
عینحالده، هرات حاکمی عبدالقیوم رحیمی، اوشبو ولایتده کرونا ویروسیگه چلینگنلر سانی کوپهیشیدن خواطر بیلدیریب و اهالیدن اویده قالیشلرینی سورهگن.
هرات ولایتیده کرونا ویروسیگه چلینگنلر سانی کوپهیگن بیرحالده، ملکی هوانوردی اداره مسافر تاشیووچی اوچاغلرنینگ ایچکی فعالیتلری توختهتیلگنیدن خبر بیرگن.
