بحثپاری سټېفن هاکېنګ، د کمبرېج پوهنتون استاد، فزیکپوه، احتمالا د شلمې پېړۍ وروستۍ لسیزې نوموتی پوه او انګلیسي ستور پوه نن د ۷۶ کلونو په عمر ومړ. نوموړی « د هرڅه تیوري» فلم اتل هم دی.
سټېفن هاکېنګ په ۲۱ کلنۍ کې د ای.ال.اس ناروغۍ له امله فلج او په ۱۹۸۵ کال کې د سږو په التهاب اخته او د تیوب له لارې به یې ساه اخیسته؛ نوموړی له دې ټولو سره، سره څېړنو او علمي چارو ته ادامه ورکړه.
د هاکېنګ لومړۍ مېرمنې جین وایلد د ژوند په لومړیو کې ورسره زښته مینه کوله، خو وروسته په دې باور شوه چې هاوکېنګ یوازې یو پېټی دی او د ژوند لار یې ترې جلا کړه. نوموړي دویم واده وکړ.
هاوکېنګ ډېر کشفیات کړي، په ځانګړي ډول د کوانتوم فزیک په برخه کې یې ډېرې نظریې ورکړي دي. هغه انشتین ته د نوي فزیک د پلار په توګه درناوی درلود، سره له دې چې انشتین د مړینې تر ورځې کوانتوم فزیک نه مانه. دغهراز نورو بیا هاوکېنګ ته د دویم انشتین لقب ورکړی دی، ځکه نوموړی په ریښتني ډول دې لټه کې و چې د انشتین د نسبیت تیوري بشپړه کړي او د هغې له تلفیق ځنې د کوانتومي تیوري ته نوی فورمول وړاندې کړي. له دې تلفیقه د هاوکېنګ موخه دا وه، ترڅو داسې فورمول وړاندې کړي چې د هستۍ د ټولو بدلونونو له وړې اتومي زرې تر سترو کهکشانونو راونغاړي.
د سټېفن هاکېنګ زمن لوسي او روبرت وايي، پلار یې یو ستر ساینس پوه و. دوی په دې باور دي چې د پلار علمي میراث به یې نړۍ تر ډېره یاد ساتي، دغه راز ډېر نور هم په دې باور دي.
