لوگر مدنیت و بیلدیریش اداره باشلیغی‌نینگ ایتیشیچه، اوتمیش 5 ییل مابینی‌ده لوگر عینک مس کانی ساحه سیده‌گی تاپیلیق‌سیز و باستانی اثرلردن 1600 کشف بولگن. رسمی‌لرنینگ ایتشیچه، بو اثرلر کانلر و پترولیم وزیرلیگی یاردمی بیلن تاپیلیب، یخشی اسره‌لیشی اوچون کابل کیلتیریلگن.
لوگر مدنیت و بیلدیریش باشلیغی محمدشفیق پوپل‌نینگ بیلدیریشیچه، حاضرگه قدر بولردن 600 ته‌سی ثبت بولگن. جناب پوپل‌گه کوره، شو حاضر 25 باستان‌شناس و 400 گه یقین قیدیرووچی‌لر، ولایت عینک مس کانی‌گه قیدیروولرنی باشله‌گن. اونینگ کوپه‌یتیریشیچه، قدامتی اونلرچه قرن آلدین‌گه باره‌دیگن ایریم مجسمه‌لر اوغیرلنگن و ایریمی هم نابود ایتیلگن.
عین حالده، کوپیلر بو اثرلرنی پایتخت‌گه کیلتیریلیشیدن راضی ایمس‌لر. ولایت ولایتی کینگش اعضالریدن بیری هما احمدی، مدنیت و بیلدیریش و کانلر وزیرلیگی‌دن نیچه مرته ولایت‌گه موزیم توزه‌تیلیشی‌نی تقاضا قیلگن، اما بو باره‌ده رسمی‌لر سست یاندشگن.
لوگر والیسی محمد حلیم فدایی‌نینگ سلام‌وطندار بیلن قیلگن صحبتده، مدنیت و بیلدیریش وزیرلیگی و کانلر و پترولیم‌دن ولایت محمد آغه تومنی‌ده موزیم توزه‌تیشلرینی تقاضا قیلگن و بو باره‌ده جدی حرکت قیلماقده‌لر دیگن.
لوگر ولاتی، کوپلب تاریخی اثر کشف بولگن ولایتلردن بیری سنله‌دی. باستان‌شناسلردن بیری غلام رسول نینگ بو اثر باره‌سیده ایتیشیچه، اولکه تاریخی و باستانی منطقه‌لریدن بیری عینک مس کانی دیر و باید دولت بو کاندن چیقاریلگن اثرلرنی یخشی اسره‌لیشی اوچون جدی توجه قیلسه.
عینک مس کانی ایشلب چیقاریلیش ایشی 5 ییل آلدین باشلنگن ایدی، بو مدتده کوپلب تاریخی اثرلر بوییردن کشف بولگن. لوگر اولکه ناتینچ ولایتلریدن سنله‌دی و گزارشلرگه کوره، ناتینچ‌لیکلر سبب، کوپلب تاریخی اثرلر ترورچی گروه‌لر واسطه‌سی بیلن اولکه‌دن تشقری قاچاق ایتیلگن.
