بلخ امنیتی مسئوللری نینگ ایتیشلریچه، بلخ تیمیر یولی ایشلاوچیلری قوراللی هجوم گه دوچ کیلگن. اولرگه کوره، بو هجوم حیرتان نینگ دوراهی منطقهسیده یوزبیرگن.
بلخ پولیسی سوزلاوچیسی عادلشاه عادل نینگ سلاموطندارگه ایتیشیچه، مذکور حادثه نتیجهسیده عامه نی سقلش کوچلردن بیری هلاک و شونینگدیک اوزبیکستان یشاوچیسی بولگن تیمیر یولی ایشلاوچیلریدن بیر یرهلنگن.
جناب عادل گه کوره، اوشبو حادثه بوگون (پنجشنبه ۳۰- اسد) ایرتهلب ساعت ۷ اطرافیده یوزبیرگن و شونینگدیک هجومچیلردن بیری تن جراحتی کوتارگن.
بلخ پولیسی سوزلاوچیسی نینگ کوپهیتیریشیچه، بو هجوم قیسی گروه تامانیدن اویوشتیریلگنی حاضرگچه بیللی بولمهگن.
حادثه مسئولیتی نی حاضرگچه بیرار گروه یا-ده شخص بوینیگه آلمهگن.
