بامیان ولایتینینگ یوزلرچه اهالیسی، دوشنبه کونی 25- جوزا، طاهر زهیر نینگ مذکور ولایت والیسی صفتیده تعین لنگنیگه قرشی ناراضیلیک بیلدیریب، ملی کینگشی قرشیسیده تحصن چاردی تیکلهگنلر.
اوشبو اعتراضچیلر، مذکور ولایت ینگی والیسی طاهر زهیرنینگ چیتلنتیریلیشینی سورهگنلر.
اولرنینگ آگاه لنتیریشیچه، حکومت ایستکلری گه دقت قیلمسه، بامیان حزبی اوروش میدانیگه اوزگرهدی.
تحصن چادر تیکلهگنلر نینگ مسوولی عباس حسن زاده، جناب زهیرنینگ اوتمیشلرده قیلگن ایشلریدن تنقید قیلیب ایتیشیچه، بامیان اهالیسی بو کیشینینگ مذکور ولایت والیسی صفتیده تن آلمیدیلر.
شونینگدیک جناب حسین زاده، حکومت رهبرلریدن تیزلیکده طاهر زهیرنینگ چیتلنتریشنی سورهگن.
عین حالده، بامیان ولایتی والیسی طاهر زهیر نینگ سلام وطندار بیلن تلیفونی سوزلهشیب ایتیشیچه، خلق ایسته گیگه حرمت قایل بولیب و حکومت رهبرلری بو توغریده هرقندهی قرار آلسه تن آلهدی.
باشقه تاماندن، پارلمان اعضاسی سمین بارکزی، تحصن چیلردن حمایت قیلیب، اولرنینگ ایستک لرینی حکومت رسمیلری گه ییتیشتریشینی ایتکن.
خانم بارکزی نینگ کوپیتریشیچه، بوندهی مدنی فعالیتلر یشاووچیلرنینگ حقیگه ییتیشی اوچون ایجابی رول اوینهیدی.
ایتیلیشیچه، جناب زهیر حاضرگه قدر بو ولایت ده والیسی صفتیده ایشیگه باشلمهگن.
شونینگدیک بوندن آلدین بامیان نمایندهلری، جناب زهیرنینگ مذکور ولایت والیسی صفتیده تعیینلنیشی گه ناراضیلیک بیلدیریب، بامیان ولایتی بناسینینگ ایشیگی مقابلیده تحصن چادر تیکلهگن ایدیلر.
بیراق بامیان ولایتینینگ بیرقطار اهالیسی و مدنی فعاللری، مذکور ولایت نمایندهلری نینگ بو حرکتی نی اورین سیز بیلیب، طاهر زهیرنینگ بامیان والیسی صفتیده تعین لنیشیگه هیچ بیر قیین چیلیک یوق لیگینی ایتکنلر.
