.jpg)
افغان ملی کوچلری هلمند ولایتیده جنگری طالبلرنینگ تورمهسیگه هجوم قیلگنلر. نتیجه تورمهدن 59کیشی آزاد ایتیلگن. اوشبو تورمه ولایتنینگ نهرسراج ولسواللیگی سرهگودر منطقهسیده تاسیس ایتیلگن.
میوند 215- قول اردوسینینگ سوزلاووچیسی محمدرسول زازینینگ سلاموطندارگه ایتیشیچه، افغان ملی کوچلرنینگ جمعهدن شنبه گه اوتر کیچهنینگ یریم تونیده اوشبو تورمهنی قورشاووگه آلگنلر. ایتیلیشیچه، تورمه افغان ملی کوچلری نظارتیگه اوتگن.
هجوم نتیجهسیده یوز بیرگن تلفات بارهسیده هنوز معلومات بیریلمهگن.
زازینینگ سوزلریگه قرهگنده، تورمهدن آزاد ایتیلگنلر همده نیمه سبب بیلن قولگه آلینگنلر حقیده تیکشرودن سونگ معلوم بیریلهدی. میدوند 215 قول اردو سوزلاووچیسی، قماقاندن آزاد ایتیلگنلرنینک کوپچیلیگی سابق افغان ملی کوچلری صفیده بولگن دیگن.
هنوزگچه قوراللی طالبلر بو توغریده هیچ نرسه دیمهگن.
.jpg)
سونگی بیر آی ایچیده قوراللی طالبلر نظارتیده بولگن بو ایکینچی تورمه افغان ملی کوچلری طرفیدن نابود ایتیلهدی. بوندن نیچه وقت آلدین هم افغان ملی کوچلری مذکور ولایتده مخصوص حربی عملیات اوتکزیب طالبلرگه قرهشلی تورمهلردن بیرینی اوز نظارتلریگه آلیب 6 محبوسنی آزاد قیلگن ایدیلر.
حکومت محلی رسمیلری، اوشبو محبوسلرنینک کوپینچهسی حکومت بیلن همکارلیک قیلگنلیکده عیبلَنیب طالبلر تامانیدن حبسگه آلینگن دیگنلر.
