بوگون «دوشنبه» ایرتهلب ساعت 10 اطرافیده، تورت هجومچی ننگرهار ولایتینینگ معارف ریاستی اوستیگه هجوم قیلگنلر، بیراق بو هجوم امنیتی کوچلر تامانیدن دفع ایتیلگن.
اوشبو واقعهنی تصدیقلگن ننگرهار حاکمی سوزلاوچیسی عطاالله خوگیانینینگ سلاموطندارگه ایتیشیچه، بیر هجومچی بیرینچی دقیقهلرده اوزینی معارف ریاستی برابریده پارتلتگن و باشقه هجومچیلر ریاستگه کیرهدیگن چاغیده، امنیتی کوچلر تامانیدن اولدیریلگن.
یوز بیرگن واقعه قربانلریدن حاضرگچه دقیق رقم قول گه کیریتیلمهگن. عین حالده، مذکور ولایتنینگ ساغلیقنی ریاستی باشلیغی نجیبالله کامهوالنینگ ایتیشیچه، حاضرگچه 10 یرهدار ننگرهار کسلخانهلریگه انتقال بیریلگن و اولردن بیرینینگ ساغلیک احوالی آغیر دییلهدی.
پارتلش یوز بیرگنیدن سونگ، اوق سیسی ایشیتیلگن، بیراق حاضر وضعیت عادی حالت گه قیتگن.
اوشبو واقعه مسؤولیتینی حاضرگچه هیچ بیر گروه بوینیگه آلمهگن.
