ملی تدارکات ادارهسی نینگ مسوللری، دولتی ادارهلری کیلیشوویدهگی شفافیتنی کوزهتیش اوچون مذکور اداره کیلیشوو تامانلر وضعیتینی تیکشیریشدن خبربیرگنلر.
تدارکات ادارهسی نینگ پالیسی رییسی مرتضی نوری نینگ بوگون یکشنبه بیر خبری ییغینده ایتیشیچه، دولت کیلیشوولری تیکشیریلیشی بیلن مذکور شرطنامهلرگه موفق بولگن شرکتلر وضعیتی هم تیکشیریلیشی ممکن.
جناب نورگه کوره، هنوزگچه 28 شرکت مذکور اداره تامانیدن تیکشیریلگن. نتیجهده اوتکزیلگن هر تامانلمه تحقیقدن سونگ بیش شرکت کیلشوو رویخطیدن چیقاریلگن.
قرارد دارلرنی تیکشیرووچی ملی تدارکات ادارهسی، هر هفته جمهور رییس غنی حضوریده ییغین اوتکزهدی. اولتیریشده برچه وزیرلیکلرنینگ کیلیشوولری تیکشیریلیب، سونگ تصدیقلنهدی.
اولتیریشده سوزلهگن ملی تدارکات ادارهسی نینگ رییسی یما یاری نینگ سوزلریگه کوره، هنوزگچه 260 کیلیشوو اوشبو ادارهگه کیلتیریلگن اولردن 100 شرطنامه تیکشیریلیب، تصدیقلنگن.
جناب یاری، اوتگن آقشام ملی مدافعه وزیرلیگی نینگ 17 کیلیشووی قوشیمچه ایکّی کیلیشوو معارف وزیرلیگی و بیر کیلیشوو ترانسپورت و هوا یوللر وزیرلیگی و باشقه 20 کیلشوو تصدیق لنگن لیگینی ایتگن.
جناب یاریگه کوره، تصدیقلنگن کیلیشوولر توپلم 39 میلیارد افغانی بولگن.
عینحالده، یاری 260 کیلیشوو تیکشیروو آستیدهلیگینی ایتگن. شونینگدیک 22 کیلیشوو ایسه شرایطی تکمیل بولمهگن لیگی اوچون قیتهدن رد قیلینگن.
شوکبی ملی تدارکات ادارهسینینگ رسمیلری، بوندن آلدین بیکار ایتیلگن ملی مدافعه وزیرلیگینینگ کیلیشووی هنوز هم تیکشیروو آستیده لیگنی ایتگنلر.
بوندن آلدین افغانستان جمهور رییسی بیر فرمان صادر قیلیش بیلن ملی مدافعه وزیرلیگی کیلیشوویده شفافیت بولمهگن لیگی اوچون قراردادنی وقتینچه لیک توختتگن ایدی.
گزارشلرده، ملی مدافعه وزیرلیگی نینگ یاقیلغی ماده لر کیلیشوویده میلیونلب افغانی حیف ومیل ایتیلگنی یازیلگن.
