.jpg)
مدافعه وزیرلیگی رسمیلرینینگ ایتیشیچه، طالبلر و داعشیلرنینگ نظارتیدهگی منطقهلرده شبههلی تیک اوچرلر قونگنی توغریسیده، حاضرگچه دقیق بیر حجت قولگه کیریتمهگنلر.
18- ثور، سرپل ولایتیده طالبلرنینگ نظارتیده بولگن منطقهده ایکی تیک اوچر قونگن. شونینگدیک، نیچه کون آلدین، بغلان ولایتیده طالبلرنینگ حاکمیتیده بولگن منطقهده بیر ناتانیش تیک اوچر 20 دقیقه قونگن. محلی رسمیلرگه کوره، مذکور تیک اوچر طالبلرگه حربی جهاز ییتکیزگن.
محلی رسمیلر، اوشبو تیک اوچرلر قونگنینی تصدیقلهیدیلر، بیراق اولرنینگ قونگنی و ایچیده بولگن نرسه توغریده دقیق معلومات قولگه کیریتیلمهگن. اوشبو تیک اوچرلرنینگ قونگنی توغریسیده عکسالعمللر بیلدیریلگنیدن کیین، موضوع تیکشیریلیشی اوچون مدافعه وزیرلیگی تامانیدن بیر هیأت تعیین ایتیلدی.
عین حالده، مدافعه وزیرلیگی سوزلاوچیسی محمد رادمنشنینگ سلاموطندارگه ایتیشیچه، اوشبو تیک اوچرلر دوشمننینگ جبههلرینی آرقهسیدهگی حربیلرگه یاردم ییتکیزگنلر.
رادمنشگه کوره، ملی مدافعه وزیرلیگی، بو مسئلهنی کیسکین حمایهوی کوچلر بیلن شریک قیلگن و بو کوچلرنینگ ایتیشیچه، اولرنینگ تیک اوچرلری، دوشمننینگ جبههسینی آرقهسیده تخنیکی قیینچیلیک، اوروش وظیفهلری و دوشمننینگ خطینی سیندیریش اوچون قونگنلر.
بیراق، حربی ایش بیلرمان عتیقالله امرخیلنینگ سلاموطندارگه ایتیشیچه، حاضر افغانستاننینگ هوایی فضاسی امریکالیکلرنینگ اختیاریده بولگن و اونی رادارلر، هوایی بالونلر و قمر مصنوعی آرقهلی اداره قیلهدی.
جناب امرخیلگه کوره، طالبلرنینگ حاکمیتیده بولگن منطقهلرده قونگن تیک اوچرلر امریکا و کیسکین حمایهوی کوچلرگه تیگیشلی بولهدی و بو تیک اوچلر کیشیلر بیلن اوچرهشیش و منطقهده قورال ترقهتیش اوچون قونگنلر.
اوشبو حربی ایش بیلرماننینگ ایشانچیگه کوره، طالبلرنینگ حاکمیتیده بولگن منطقهلرده ناتانیش تیک اوچلرنینگ قونیشی مملکتنینگ ناتینچ قیلهدیگن برنامهلرنی بیر قسمی سنلهدی.
سونگی کونلرده، سلاموطندار ترماغی طالبلر و داعشیلرنینگ نظارتیده بولگن منطقهلرده ناتانیش تیک اوچرلر قونیب و کوتریلگنی توغریسیده نیچه گزارش ترقهتگن ایدی.
