.jpg)
ننگرهار ولایتینینگ ملی رادیو تلویزیونیده داعش جنگریلرینینگ اویوشتیرگن هجومی نتیجهسیده بو ادارهگه مالی زیان ییتگهنیگه قرهمهی، مذکور اداره یقینیده جایلشگن تجارت مرکزلری همده دکانلر ایگهلری میلیونلب افغانی زیان کورگن.
ننگرهار ملی رادیو تلویزیونی نینگ آمری امینالله زُهیرنینگ سلاموطندارگه بیرگن صحبتیده، هجوم نتیجهسیده بو اداره نینگ بوتون آرشیفی، حجتلری، تخنیکی اوسکونهلری و بیر نیچهته موتری بوتونلهی اورتهدن کیتگن دیدی. شونینگدیک رادیو ادارهسی نینگ کته قسمی ویرانگه ایلنتیریلگن دیدی زُهیر.
جناب زُهیر، اوشبو ییتکرمه میلیونلب افغانی زیان کورگنلیگینی اظهار قیلدی. ننگرهار ملی رادیو تلویزیون ادارهسیده اویوشتیریلگن حملهده اوشبو اداره یقین اطرافیدهگی ییریک تجارت مرکزلری ینه دکانلرگه کتّه اقتصادی زیان ییتگن لیگینی تصدیق ایتدی جناب زُهیر.
جلال آباد شهرینینگ ییریک سوداگرلریدن بیری دادگل، هجومده چمهسی بیر میلیون افغانی زیان کورگن لیگینی ایتهدی.
.jpg)
او، بو هجومده مارکت نینگ بوتون دیرهزهلری همده شیشهلر سینیب توکیلدی دیگن.
محلدهگی دکاندارلردن بیری نظیفالله هجوم عاقبتیده 300 مینگ افغانی زیان کورگن لیگینی تیلگه آلگن.
اما، ولایت والیسی نینگ سوزلاووچیسی عطاوالله خوگیانی، اوتگن کون اویوشتیریلگن هجوم نتیجهسیده مالی زیان رقمی انیق لهنیشی اوچون ملی رادیو تلویزیون، تجارت مرکزی همده دکانلرنی تیکریش نیتده هیات تعیین ایتیلگن لیگینی بیلدیردی.
شونینگدیک جناب خوگیانی، ولایت ملی رادیو تلویزیونی نینگ یایینلری یقین آره ده باشلنهدی دیگن.
اوتگن کون اسلامی دولت جنگریلری بولمیش داعش حرکتی نینگ تورت اعضاسی ننگرهار ولایتیده ملی رادیو تلویزیونی نینگ ادارهسیگه هجوم قیلگن ایدی. نتیجه ده بو رادیو نینگ 4 ملازمی داخل 2 پولیس قربان بولیب 17 تینچ اهالی شامل 7 پولیس یرهلنگن ایدی.
