بادغیس یشاوچیلری و مدنی فعاللریدن بیرقطاری نینگ ایتیشیچه، هرات-بادغیس قتناو یولی نیچه هفتهدن بویان طالبان نظارتیگه اوتگن و اهالی قولیلیککه بو یولدن اوتیب-قیته آلمهیدی.
اولرنینگ محلی مسووللر اینقسه امنیتی نهادلرنینگ دقتسیزلیگیدن تنقید قیلیب ایتیشیچه، بادغیس-هرات قتناو یولی چکهسیده، باشقه بیرقطار یوللرهم طالبان تامانیدن باغلنگن دیر.
بادغیس یشاوچیلری، حکومتدن مذکور قتناو یولنی طالبان وجودیدن تازهلش اوچون حربی عملیات یولگه قویشینی سورهگنلر.
بادغیس ولایتی کینگش باشلیغی عبدالعزیزبیک نینگ ایتیشیچه، بادغیس-هرات قتناو یولی طالبان نظارتیگه اوتگن و اهالی قولیلیککه بو یولدن اوتیب-قیته آلمهیدیلر.
بیراق، بادغیس حاکمی عبدالغفور ملکزی نینگ هرات-بادغیس قتناو یولی طالبان تامانیدن باغلنگنینی رد قیلیب ایتیشیچه، طالبان جنگریلری گاهگاهی مذکور قتناو یوللرده چیقهدی.
بادغیس حاکمی نینگ کوپهیتیریشیچه، سونگی کونلرده محلی اردو و مردمی کوچلر زمانهوی تجهیزاتلر بیلن هرات-بادغیس قتناو یولیده جایلشگن دیر.
بادغیس مملکت غربیده جایلشگن ناتینچ ولایتلردن بیری دیر و سونگی نیچه آی جریانیده بو ولایت بالامرغاب تومنی ایکی مرته طالبان قولیگه سقوط قیلگن.
