غور ولایت کینگش اعضالریدن بیرقطارینینگ ایتیشیچه، طالبان گروهی تخریبی هجوملر یولگه قویش مقصد ده مذکور ولایت دایشیر تومنیده دینی بیرمدرسه قورگن.
سلام وطدارگه صحبت بیرگن غور ولایتی کینگش اورین باسری عبدالرحمان اعطشاننینگ ایتیشیچه، طالبان گروهینینگ فعالیتلری کوپیشی خصوصیده بیرقطار خواطرلر اروته گه چیقگن. اونینگایتیشیچه طالبان گروهینینگ غور ولایتیده گی قومندانلریدن بیری ملا احمدشاه، قوم بویوک لریدن بیری نی اونینگ ایستکلریگه قرشی کیلگنی سبب اولدیرگن.
جناب اعطشاننینگ آگاهلنتیریشیچه، طالبان گروهینینگ فعالیت لریگه توسیق بولیش اوچون حکومت تاماندن سعی و حرکت صورت تاپمگن حالده جماعه افراطیت تامان کیتهدی.
غور حاکمینینگ سوزلاوچیسی عبدالحی خطیبی، طالبان تامانیدن دینی مدرسه قوریلگنیدن خبر بولمگنی نی ایتیب، بیراق مذکور گروهنینگ تخریبی فعالیت لری کوپیشی نی رد قیلمیدی.
عین حالده غور پولیس قومندانلیگینینگ سوزلاوچیسی محد اقبال نظامینینگ ایتیشیچه، اوشبو مدرسه ملا احمدشاه بیروغی اساسیده قوریلیب بیراق حاضرگچه فعالیت گه باشلهگن ایمس.
اوتکن ییل هم طالبان گروهی غور ولایتینینگ مرکزیده بیر مدرسه قوریب، مذکور مدرسه گه دین تعلیمات لر چکه سیده مایننینگ توزهتیلیشی و اوندن قندی شکلده قولهنیلیشی خصوصیده تعلیمات بیریلهریدی.
