کنر محلی مسؤوللری نینگ ایتیشیچه، ینگی ییل باشلهنیشی بیلن مذکور ولایت گه پاکستان حربیلرینینگ موشکی هجوملری قیتهدن باشلنگن.
کنر حاکمی اورین باسری گلمحمد بیدارنینگ ایتیشیچه، ینگی ییل باشلنگنیدن بویان پاکستان حربیلری مذکور ولایت نینگ مروره، دانگام، سرکانو و کنرخاص تومنلریگه 350 موشک آتگن.
جناب بیدارگه کوره، آتیلگن موشکلر نتیجهسیده کنر یشاوچیلریدن اونلرچهسی اوی و جایلریدن آواره بولگنلر.
عین حالده، کنر یشاوچیلریدن بیرقطاری نینگ ایتیشیچه، پاکستان حربیلری هردایم بو ولایت گه موشک آتهدیلر و آتیلگن موشکلر جانی تلفات، مالی زیانلر و ولایت یشاوچیلریدن بیرقطاری نینگ آوارهلیگی سبب بولهدی.
اولر حکومت دن بو موضوع نی جدی آلیب و پاکستان نینگ موشک آتیشلریگه توسیق بولیشینی سورهیدی.
کنر یشاوچیلریگه کوره، پاکستان حربیلری نیچه ییلدن بویان مذکور ولایت نی اوستیگه موشک آتهدیلر؛ بیراق حکومت حاضرگچه بو توغریده هیچ بیر حرکت قیلمهگن.
