جنگری طالبلر نورستان ولایتی دوآب و ولایت ایریم تومنلریدهگی ساغلیق مرکزلرنی اهالی یوزیگه یاپیش نتیجهسیده اونلرجه کسل عالمدن اوتگن.
دوآب تومنی یشاوچیلری نینگ ایتیشیچه، طالبلر مذکور تومن ساغلیق مرکزلری قوشیمچه، مذکور تومن مواصلاتی یولرینی هم خلق یوزیگه یاپگن. اولرگه کوره، حاضرهم دوآب تومنی طالبلر قمراویگه قالگن.
دوآب تومنی یشاوچیلریدن بیری محمدرسول نینگ ایتیشیچه، ایکی آی آلدین دارو آلگنی ننگرهار ولایتیده کیلگن ایکن، بیراق اوروش و یول ناتینچلیگی دلیل هنوزگچه اویگه قیتشگه موفق بولمهگن. اونگه کوره، نورگرام، دوآب و مندول تومنلری نینگ اوتیش-قیتیش یولی یاپیقلیگی سبب، مذکور تومن یشاوچیلری ییگولیک آذوقه آزلیگیگه روپهره بولگنلر.
دوآَب تومنی نینگ اولوسوالی فدامحمد یشاوچیلر قیینچیلیکلرینی تأیید قیلیب ایتیشیچه، طالبلر دوآب، مندول و نورگرام تومنی کسلخانهلریدهگی داکترلرنی طالبلر کلتکلب چیقارگنلر.
دوآب تومنی نینگ کوپهیتیریشیچه، اوتیمش ایکی آی جریانیده طالبلر ساغلیق مرکزلرینی یاپیشی بیلن اونلرچه کسل دارو و داکتر بولمهگنی دلیل جان بیرگنلر.
نورستان ولایتی کینگشی نینگ باشلیغی انجنیر سعدالله پایندهزوی نینگ ایتیشیچه، دوآب تومنیده طالبلر ساغلیق مرکزلرینی اوزلریگه پوسته توزه تگنلر.
بیراق نورستان والیسی حافظ عبدالقیوم نینگ ایتیشیچه، دوآب، مندول و نورگرام تومنلریگه امنیت تأمین ایتیش اوچون تیزلیکده پاکلش عملیات اوتکزیلهدی. اونینگ ایتیشیچه، امنیت اورنهتیش نیتیده پاکلش عملیاتیدن کیین کوپلب محلی پولیس سانیگه آرتیریلهدی.
حاضرگه قدر بوبارهده طالبلر بیرنرسه دیمهگن.
بوندن آلدین هم طالبلر بادغیس ولایتیده ۸ساغلیق مرکزینی یاپگن ایدی.
