سرپل ولایتی کینگش اعضاسی اسدالله خرم نینگ سلاموطندارگه ایتیشیچه، سانچارک تومنیده طالبان گروهی مسجدلر آرقهلی، عسکر توپلهیدی.
اونینگ ایتیشیچه، طالبان گروهینینگ بو حرکتیگه توسیق ایتیلمهگن صورتده، اوشبو گروه اهالی مجبوریتیدن قولهنیش بیلن کوپینچه جنگری جذب قیلهدی.
سرپل ولایتی کینگش اوشبو اعضاسینینگ کوپهیتیریشیچه، بیر هفتهدن بویان سانچارک تومنینینگ قطار بولیملریده اوروش کوپهیگن و بو تومن مرکزی طالبان قمراویده قرار تاپگن.
سرپل ولایتینینگ سانچارک تومنینی قطار یشاوچیلریگه کوره، طالبان گروهی یاشلرنی دولت گه قرشی تحریک قیلهدی.
شوتوغریده…
- طالبان گروهی نینگ بهاری عملیاتی نیچه ولایتده مغلوب ایتیلدی
سانچارک؛ طالبان گروهی دولتی ییرلرنی اهالی گه زورغه ساتهدی
سانچارک یشاوچیلریدن بیری عبدالکریم نینگ ایتیشیچه، طالبان گروهی اهالیگه اوشبو گروه گه قوشیلگن صورتده، رایگان قورال و آیلیک 10 مینگ افغانی بیریشنی پیشنهاد قیلگن.
عینحالده، سرپل حاکمینی سوزلاوچیسی ذبیحالله امانی نینگ بو خبرنی تصدیقلب ایتیشیچه، طالبان گروهی اهالی آرهسیدن جنگری جذب قیلهدی.
بیراق، طالبان گروهینینگ سوزلاوچیلریدن بیری قاری یوسف احمدینینگ بو ادعالرنی رد قیلیب ایتیشیچه، اهالی اوز ایستکلری اساسیگه طالبان گروهیگه یاردم بیرهدی.
