غور ولایتیده تورت ترافیک پولیس، حربی عسکرلر تامانیدن کلتکلنگن. اوشبو واقعه اوتگن کون فیروزکوه شهرینینگ منار تورت یولیده یوز بیرگن.
اوشبو واقعه گواهلرینینگ ایتیشیچه، توقنهشوو حربی کوچلر، ترافیک پولیسلرینینگ اشارهلریگه دقت قیلمهگن بیرچاغده یوز بیرگن.
اوشبو واقعهنی تصدیقلگن غور ترافیک مدیری یاقوتشاه نینگ ایتیشیچه، اولر، ملی اردو عسکرلرینینگ موترلرینی ترافیک قانونینی نظرگه آلمهگنی باعث توختهتگن، بیراق نیچه دقیقهدن سونگ، حربی کوچلر آتیشمه و هواگه اوق آتیشگه باشلهگن.
ترافیک مدیریگه کوره، اوشبو توقنهشوو نتیجهسیده، ایکی ترافیک پولیس بیچاق بیلن یرهلنتیریلگن و باشقه ایکی پولیس آغیر شکلده کلتکلنگن.
بو واقعه توغریسیده، ملی اردو مسؤوللرینینگ فکرینی اورگهنیش اوچون علاقه قوردیک، بیراق اولر صحبت قیلیشگه حاضر بولمهدی.
