افغانستانده ناتو کوچلرینینگ اوروش مأموریتی یکونلنیشی بیلن، دولتنی کوپینچه یوکسلتیریش و رواجلنتیریش لایحهلری بودجه یوقلیگی باعث، توخته تیلدی. دنیا جماعهچیلیگی مالی یاردملری کیسیلیشی بیلن مملکتده اقتصادی ثبات مستحکملنیشی توغریسیده، خلقنینگ سونگی امیدی اورتهدن کیتدی. بیراق اجتماعی امیدسیزلیک دلیلی یالغیز بو بولمهگن؛ طالبلر قولیگه قندوز ولایتی سقوط قیلگنیدن کیین، خلق فکریگه برچه نرسه یکونلندی و خلق افغانستان امنیتی خصوصیده شبههلنیب قالدی.
اوشبو واقعهلردن کیین، مملکت یشاوچیلری گروهی شکلده غربی مملکتلرگه تامان یول آلدی. عین حالده، ملی بیرلیک حکومت باشلیغلری و سیاسی ایش بیلرمانلر خلقدن مملکتنی ترک ایتمسلیکلرینی سورهدی، بیراق خلق چیدهمی اوز اداغیگه ییتیشیب و افغانستاننی ترک ایتیشگه قرار قیلدیلر.
بیراق، کیتیش هم قولی و خطرسیز بولمهگن. مملکت یشاوچیلریدن کوپینچهسی مدیترانه دینگیزیگه غرق بولیب و کیلهجک آرزو و امیدلری بیلن دنیادن کوز یومگنلر. سوراق توغیلهدی کیم، موجود خطرلرگه قرهمی، نيمه اوچون افغانستانليكلر مملكتني ترك ايتهدي؟
ایش بیلرمانلرگه کوره، مملکتدن یشاوچیلرنینگ چیقیشیگه ناتینچلیکلر و ایش سیزلیک سبب بولهدی. عین حالده، اروپایی مملکتلر امنیت توغریسیده خواطر بیلدیریب، باش پناه ایزلاوچیلیک خصوصیده قتیق شرط قویگن و ینگی قانون کونسایین باش پناه ایزلاوچیلر وضعیتینی یمان راق قیلهدی.
افغانستان جمهور رییسی، اروپایی مملکتلرگه قیلگن سونگی سفری و مملکتدهگی ییغینلرده، هردایم خلق اوچون قولیلیکلر یرهتیش خصوصیده وعده بیرگن و انه شو سبب، یاشلردن مملکتنی ترک ایتمسلیکلرینی سورهیدی.
بیراق، سیاسی ایش بیلرمان لطیف نظرینینگ ایتیشیچه، دولت بیرگن وعدهلرینی عملی قیلیشگه ناکام بولگن. جناب نظرینینگ ایشانچیگه کوره، حکومتنی حاضرگی تشکیلاتی، موجود فرصتلرنی هم تهدیدگه اوزگرتیرگن. اونینگ کوپهیتیریشیچه، ناتینچلیکلر کوپهییشی، سیاسی قیینچیلیکلر و موجود اقتصادی وضعیت باش پناه ایزلاوچیلیکنی یوکسلتیرگن.
حربی ایش بیلرمان میرزا محمد یارمندنینگ ایشانچیگه کوره، افغانستاننی ناتینچ قیلیش خصوصیده، پاکستاننی سعی و حرکتلری و حکومت رهبرلیگیده حرکت بولمهگنی باعث، اقتصادی و سیاسی ثباتسیزلیک اورتهگه کیلگن.
افغانستان بوییچه بیرلشگن ملتلر تشکیلاتی مهاجرلر بولیمی باشلیغی ریچارد دانزیگرنینگ، اوتگن (دوشنبه کون) کابلده خلق ارا مهاجرلر کونیدن نشانلش مراسمیده ایتیشیچه، جاری ییل بیرینچی آلتی آییگچه کمیده 150 مینگ افغانستانلیک مملکتنی ترک ایتگن. بونگه اساس، ناقانونی یوللر بیلن اروپایی مملکتلر بارگن هر بیر باش پناه ایزلاوچی 10 مینگ دالر خرچ قیلگن. اوشبو رقم اساسیده، جاری ییل بیرینچی آلتی آیی گچه افغانستان باش پناه ایزلاوچیلری کمیده بیر میلیارد و 500 میلیون دالر خرچ قیلیب اروپایی مملکتلرگه ییتیشگن.
