.jpg)
سیلاولر مستقل کمیسیونینینگ صلاحیتی وظیفهسی تشکیلی قندهیلیگی بارهسیده جمهور رییسنینگ صادر قیلگن فرمانی افغانستان ایکّی مجلسی تاماندن ینه بیر مرته رد ایتیلدی. بوگون بیر خبری ییغینده سوزلهگن سیلاولر ایرکین کمیسیون باشلیغی محمدیوسف نورستانینینگ بیلدیریشیچه، بیر ییلدن بیری سیلاولر مستقل کمیسیونی اوزیگه سیاسی تُوس آلگن. اما، جمهور رییسغنی نینگ فرمانی ملی کینگش اعضالری تامانیدن رد ایتیلیشی بیلن قیتهدن مذکور کمیسیون تخنیکی و مسلکی ایشلریگه دوام ایتیرهدی.
جناب نورستانی، ایکّی مجلسنینگ قراری اساسیده سیلاولرگه اصلاحات کیریتیش مخصوص کمیسیون قوشیمچه تنلاو کمیتهسینینگ ایشی اوز پایانیگه ییتگن دیب، سیاسی کیلیشو اساسیده وجودگه کیلگن اوشبو ایکّی اداره قانونی صلاحیتی یوق دیگن. کمیسیون کیلگوسی هفته پارلمان سیلاولر اوتکزیلیش زمانینی معلوم قیلهدی دیگن جناب نورستانی.
جناب نورستانینینگ بیلدیریشیچه، افغانستان سیلاولر ایرکین کمیسیونی اوتگن ییل پارلمان سیلاولری اوتکزیلیشی اوچون لازم تیارلیک کوریب، جاری ییل جمهور رییسگه ایکّی تقویم یوبارگن ایدی، اما حکومتنی بو توغریده تیارلیگی بولمهگنلیگی سبب جاری ییل سیلاولر اوتکزیلمهدی.
عین حالده، سیلاولر شکایتلرینی تینگلش کمیسیون جمهور رییسنینگ تقنینی فرمانی سنا مجلسی تامانیدن رد ایتیلگن لیگینی خوش قرشیلهگن.
.jpg)
کمیسیون باشلیغی عبدالستار سعادتنینگ بوگون کابلده اوتکزیلگن خبری ییغینده ایتیشیچه، حکومتدن سیلاولر کمیسیونلری اورتهسیده قیینچیلیک توغدیره دیگن نا قانونی ایشلری آلدینی آلیشنی سورهگن.
سیلاولر اوتکزیش مذکور ادارهنینگ صلاحیتلریدن ایکنلیگی بارهسیده تاکیدلهگن سیلاولر ایرکین کمیسیون باشلیغی یوسف نورستانیگه کوره، بوندن بویان اوز مستقللیکلرینی سقلیدی و هیچ بیر ناقانونی ادارهگه کمیسیون ایشلریگه ارهلهشیش اوچون رخصت بیر میدی.
بو نگه قرهمی، اوتگن سیلاولرده یوز بیرگن جنجاللردن سونگ افغنستان جمهور رییسلیک سیلاولر نتیجهسی امریکه قوشمه ایالتلری تشقی ایشلر وزیری جان کری واسطه چیلیگی بیلن ملی بیرلیک حکومت وجودگه کیلیشی سبب بولدی.
حکومت رهبرلری سیلاولر کمیسیونلریگه اصلاحات کیرتیلیشی اوچون کیلیشگن ایدیلر. بوندن تشقری اروپا اتفاقی همده، افغانستان ایرکین سیلاولر ادارهسیگه اوزگریش کیلتیرییلمهگن حالده، مالی همکارلیک قیلمس لیگی بارهسیده آگاهلنتیرگن ایدی.
اما، سیلاولر مستقل کیمیسیون رسمیلریگه کوره، سیلاولر بودجهسینی یرهتیش حکومتنینگ اساسی ایشلریدن سنهلهدی و افغانستان ملی مجلسی سیلاولری اوتکزیلشی اوچون ایچکی وخلق ارا ادارهلر همکارلیک ایتیشلری ضرور.
