لوگر ولایت کینگشینینگ اعضالریدن بیرقطارینینگ ایتیشیچه، بیر هفتهدن بویان مذکور ولایتنینگ ازره تومنیده یوزلرچه عرب، چچن و اوزبیک جنگریلری کیلگن.
لوگر ولایت کینگشینینگ اعضاسی حسیب استانکزینینگ سلاموطندارگه ایتیشیچه، اوشبو جنگریلر طالبلرگه یاردم بیریب ازره تومنینینگ نظارتگه آلیش اوچون کیلگنلر.
اونینگ ایتیشیچه، قولگه کیریتیلگن معلوماتلر اساسیده، مذکور جنگریلر کته لایحهلرنی قولگه آلگن و ازره تومنیگه کیریشدن آلدین، محلگه کوپینچه حربی جهاز یوبارگنلر.
شونینگدیک، ازره تومنی یشاوچیلریدن بیرقطارینینگ ایتیشلریچه، ایکی هفتهدن بویان محل طالبلری چیت ایللیک جنگریلرنینگ همکارلیگیده، مذکور تومنگه کوپینچه حربی جهاز آلیب کیلگنلر و ازره اوستیگه هجوم اویوشتیریشگه قصد قیلگن.
لوگر ولایتیده پیاده حربی کوچلر تورتینچی لِوا قومندانی عبدالرازق صافینینگ ایتیشیچه، قوراللی طالبلر آغیر حربی جهازلرینی ازرهدهگی بلند تاغلردن بیریگه ییتکیزگن و بو تومن اوستیگه هجوم اویوشتیریش اوچون تیارگرلیک آلهدیلر.
اونگه کوره، مذکور تاغنینگ بلندلیگی 3000 فوت بولیب و ازره تومنیدهگی امنیتی کوچلر، اونی بوزهآلمهیدی. جناب صافینینگ ایتیشیچه، بوتوغریده امنیت بلند مرتبهلی رسمیلر بیلن صحبتلشگن و طالبلرنینگ قرارگاهلرینی نابود ایتیش اوچون، هوایی یاردم سورهگن.
عین حالده، لوگر حاکمی سوزلاوچیسی سلیم صالحنینگ سلاموطندارگه ایتیشیچه، ازره تومنیدن دفاع قیلیش اوچون، محلگه کوپینچه کوچ یوباریلیشیگه قرار قیلینگن.
لوگر ولایتینینگ ازره تومنی کابلنینگ خاکجبار، ننگرهارنینگ حصارک تومنلری و خیبر پشتونخواه ایالتینینگ تریمنگل منطقهسی بیلن باغلیق بولگن.
