ننگرهار حاکمی سوزلاوچیسی عطاءالله خوگیانینینگ ایتیشیچه، مذکور ولایتنینگ چپرهار تومنیده داعش گروهی اوچ داکترنی اولدیرگن.
جناب خوگیانیگه کوره، بو حادثه چپرهار تومنینینگ تریلی منطقهسیده یوز بیرگن. اونینگ کوپهیتریشیچه، نثار، نعیم و عبدالوهاب ناملی هلاک ایتیلگن داکترلرنینگ دولت بیلن هیچ قندهی علاقهسی بولمهگن.
آتی فاش ایتیلیشینی ایستمهگن چپرهار تومن یشاوچیلریدن بیرینینگ سلاموطندارگه ایتیشیچه، اوتگن کون کیچ قورون داعش جنگریلری داکتر نوابنینگ اوییگه کیریب و اوچ اوغلینی اویدن چیقاریب باشلرینی کیسگن.
اوشبو منبعگه کوره، هلاک ایتیلگن اوچ داکترنینگ آتهسی داکتر نواب هم اوتگن ییل داعش گروهی تامانیدن اولدیریلگن ایکن.
گزارشلر اساسیده، اوتگن کون ننگرهار ولایتینینگ داکترلری، خوفسیزلیکلر باعث، ناراضیلیک بیر نمایش اوتکزیب و خوفسیزلیکلری تأمینلنیشی توغریسیده حکومتگه 10 کون وقت بیریب و ایستکلریگه دقت قیلینمهگن صورتده، بوتون داکترلر ایشدن قول تارتیشلری توغریسیده آگاهلنتیرگن ایدی.
