افغانستان اخبارات ومدنیت وزیرلیگینینگ اورین باسری کمال ساداتنینگ بوگون (چهارشنبه) کابلده اوتکزیلگن خبری انجمنده، مذکور وزیرلیک افغانستان معارف، عالی تحصیلات، عیاللر وزیرلیگی قوشیمچه انسان حق و حقوقلری کمیسیونی وایریم مدنی ادارهلر همکارلیگی بیلن بلاغتگه ییتمهگن یاشلر تورموش قورمسلیکلری اوچون ینگی بیر لایحه ایشلب چیقاریشلرینی ایتگن.
جناب سادات، مذکور وزیرلیکنینگ یاشلر ایشلری بوییچه معینیتی یوقاریده ایسهتیلگن وزیرلیکلر همکارلیگی بیلن دین عالملری، مدنی تشکیلاتلر و عاموی اخبارات واسطهلری آرقهلی اهالیگه بلاغتگه ییتمهگن ایسبورونلر ایرته تورموشگه چیقاریلیشی حقیده اسلام قرهشیدن معلومات بیریلهدی دیگن.
انسان حق و حقوقلری بوییچه کمیسیوننینگ کمیشنری قدریه یزدانپرستنینگ مذکور اولتیریشده اظهار قیلیشیچه، افغانستان انسان حق حقوقلری بلاغتگه ییتمهگن ایسبورنلر تورموشگه چیقاریلگنلیگی توغریسیده انیق رقم گه ایگه بولمه گنلیگیگه قرهمی، لیکن بو مساله افغانستانده بیر پدیده بولگن لیگینی تن آلینهدی.
خانم یزدان پرست، بلاغتگه ییتمسدن تورموشگه چیقاریشنینگ بیرینچی عاملی قشاقلیک، عیالهلرنینگ معلوماتی بولمهگنی و جامعهدهگی حاکم فرهنگنی ییریک تاثیری بار دیگن.
میلادی 2010- ییلده بیرلشگن ملتلر تشکیلاتی تامانیدن ترقه تیلگن رسمی حساباتده افغانستانلیک قیزلرنینگ 46% اون سکیز یاشگه ییتمسدن وشونینگدیک 15% ایسه اون بیش یاشگه کیرمسدن آلدین تورموشگه چیقاریلیشی بیلدیرگن ایدی.
عین حالده، افغانستان مدنی قانونینینگ 71 – مادهسیده افغانستانده قیزلرنی توی قیلیش یاشی 16 و ایرککلرنی یاشی 18ده بولیشی قید قیلینگن.
افغانستانده بلاغتگه ییتمی توریب تورموشگه چیقاریش یالغوز قیزلرگه چیکلهنیب قالمی، بلکه ایریم پیتلرده بلاغتگه ییتمهگن ایرککلر هم مذکور پدیده قربانی بولهدیلر. اما، اونینگ یامان تاثیری قیزلر اوچون اوته آغیر بیر مساله سنهلهدی.
