خلق ارا تینقلیک کوزه توچی بیرلشگن تشکیلاتی، شمالی کوریا و سومالی مملکتلریدن سونگ افغانستاننی دنیا بویلب ایکینچی فاسد مملکت دیب تانیتگن.
مذکور تشکیلات بوگونکی ترقتگن گزارشیگه، میلادی 2015- ییلده افغانستان دنیا بویلب 166 فاسد مملکتلر ارا کیلگن دیب یازگن.
بو تشکیلات، مملکتلرنی صفردن یوزگه قدر تینیقلیک جهتدن نمره بیرگن. گزارشگه کیلیشیچه، شمالی کوریا و سومالی مملکتلری 8 امتیاز آلیشی بیلن ایکیسی بیرینچی اورینده و افغانستان 11 امتیاز آلیشی بیلن ایکینچی فاسد مملکت تانیلگن.
مذکور گزارش دنمارک مملکتی نینگ 91 امتیاز آلیشی بیلن دنیا بویلب اینگ تنیق مملکت دیب تانیگن و سودان مملکتی ایسه 12 امتیاز آلیشی بیلن افغانستاندن کیین تورتینچی فاسد مملکت تانیلگن.
خلق ارا تینیقلیک تشکیلاتی گزارشیده کیلیشیچه، دنیا مملکتلریدن 68 فایزی یوکسک فسادگه روپهره بولگن.
تینقلیک کوزه توچی بیرلشگن تشکیلاتی نینگ باشلیغی خوزه اوگاز نینگ ایتیشیچه: «میلادی 2015-ییلده دنیانینگ فساد رقمی قاره کویه دیک بولیب قالگن. اوشبو ییلده اهالی یوللرگه چیقیب فسادگه قرشی ناراضیلیک بیلدیرگنلر. دنیا بویلب اهالی «حاضر فسادگه قرشی کورهشیش پیتی ایتیب کیلگن» دیگن پیاملرنی قدرتگه بولگنلر قولاغیگه ییتکیزماقچی بولگنلر».
تینقلیک کوزه توچی بیرلشگن تشکیلاتی نینگ گزارشیگه یازیلیشیچه، جهانی جامعهسی افغانستانده قیته قوریش اوچون یاردم بیریلگن میلیونلرچه دالر، دولتمدارلر تامانیدن تالان بولگنلیگی ایتیلگن.
الجزیره خبری ترماغینینگ بوبارهده یازیشیچه، افغانستان دولتی امنیتی و اقتصادی قیینچیلیکلر یانیده، ناتو کوچلری نینگ چیقیشی و دنیا مالی یاردملیکلری آزهیگنلیگی قوشیمچه، یوزلرچه باشقه قیینچیلیکلر بیلن روپهره دیر. بو برچه معمالر بارلیگی بیلن افغانستان دولتی فساد بارلیگیدن انکار قیله آلمیدی دیب یازگن.
الجزیرهنینگ یازیشیچه، افغانستان دولتی فسادنی آزهیتیریشی اوچون حرکت قیلگن صورتده، برچه دولتی نهادلردن باشلب و فسادگه بویلگن شخصلرنی ایشدن آلیشی لازم.
امیریکه بیرلشمه ایالتی نینگ افغانستان اوچون عمومی تیکشروو ادارهسی «سیگار» هم بوگزارشنی تأیید قیلیب ایتیشیچه، افغانستان دولتی نهادلری بوتونلی یوکسک فسادگه یولیقگن و هرییل میلیونلرچه دالر دنیا تامانیدن بولهدیگن یاردملیکلر دولتی یوقاری مرتبهلی رسمیلری تامانیدن تالان بولهدی دیگن.
