لوگر ومیدان وردک ولایتلری پیاده حربی تورتینچی لوا قومندانی عبدالرزاق ساپینینگ بیرخبری ییغینده، ایکی کوندن بویان تازهلش عملیاتلری روزه آیی اوچون ولایتلرده توخته تیلگنلیگینی ایتدی.
جناب ساپینینگ ایتیشیچه، میدان وردک و لوگر ولایت رسمیلری و خلق مصلحتی بیلن مذکور قرارآلگن. جناب ساپیگه کوره، عملیاتلر توخته تیلیشی خلق ایستهگی اساسیده بولگن. چونکه روزه آیی جریانیده تلفات بیرمهی عایلهلری یانیده توریب بو آیدن خرسندلیک بیلن نشانلسهلر.
اوشبو حربی قومندان طالبلردن روزه آییده عصیانچیلیک و قیناقلیکلردن قول تارتیب تینچلیک لایحه سیگه قوشیلیشلرینی سورهدی.
مذکور ولایتلر ولایتی کینگش اعضالری و یشاوچیلری حربی تمانیدن یولگه قوییلگن تازهلش عملیاتلر توخته تیلگنیدن خرسندلیک بیلدیرگنلر.
بومطلب امنیتی رسمیلر تمانیدن شوندهی بیرحالده بیان ایتیلهدی کی، اهالی حربیلر ایچیده اویغولیک بولمه گنیدن شکایت قیلهدی.
اوتکن کون 111 فرقه ایکینچی کندک قومندانی عبدالخبیر شکیب، اوز فسبوک صحیفه سیده یازیب ایتیشیچه، کندوز اوروشی توغری سیده امنیتی رسمیلرینینگ حرکتی نمایشی دیر.
کندوز ولایتی چهاردره تومنی کوپ زمانلردن بویان امنیتی کوچلر و طالبلر ارا یوزبیره یاتکن اوروشلرگه گواه بولیب کیلگن. مذکور تومن بیر مرته طالبلرنینگ قولیگه توشدی، بیراق امنیتی کوچلر قیتهدن طالبلرنینگ قولیدن آلدی.
اوشبو حربی قومندان قرینداشلرینینگ ایتیشیچه، جناب شکیب و اورتاقلری چهاردره اوروشیده بیرینچی یاردم بیروچی گروه ایکن، اوندن کیین طالبلر برابریدهگی اوروشده حکومتنینگ دقت سیزلیگیدن میدیاده سوزگه چیقگنی باعث، حربی ییریک رسمیلری تمانیدن وظیفهسی توختهتیلیب اوندن کیین حربی قماق خانهده یوباریلگن.
بیراق مدافعه وزیرلیگی سوزلاوچیسینینگ اورین باسری دولت وزیری، مذکور قومنداننینگ توتقونگه آلینگیندن خبر سیزلیک بیلدیرگن و اونینگ کندوز اوروشی توغریسیده امنیتی رسمیلر حرکتی نماییشی دیگن سوزلرینی رد ایتکن.
عین حالده دولت وزیرینینگ سلاموطندارگه ایتیشیچه، حربی کوچلر ایرکین لیکده شکایت قیله آلهدی و شکایتلری رسمیلر تمانیدن تیکشیریلهدی.
سونگی کونلرده ایریم تومنلر جملهدن نورستان ولایتی وایگل تومنی و کندوز ولایتی چهاردره تومنیده اوروش شدت لنگنی باعث افغانستان حربیلرینینگ شکایتلری هم کوپیگن.
اوشبو حربیلر حکومت دقت سیزلیگی، امنیتی کوچلر اورته سیده اویغورلیک بولمه گنی و امنیتی رسمی لر اورته سیده فساد موجودلیگیدن خواطر بیلدیرهدی.
