اوتکن 14 ییلده، افغانستان معارفی اورگهتیش و تربیهلش بولیملریگه کوز توترلی شکلده یخشی یوتوقلیکلرگه ایریشگن، بیراق مملکت اوزاق منطقهلری طالبلر حاکمیتیده بولگن ایریم منطقهلرده هیچ بیر ایش قیله آلمهگن.
حاضر مملکت ایریم منطقهسیده، کندهار ولایتی «خورواک و ریگستان» تومنلریدیک هیچ مکتب یوق دیر. کندهار معارف ریاستینینگ ایتیشیچه، قولگه کیریتیلگن رقملرگه کوره، سونگی نیچه ییلده مذکور ایکی تومنده، کمیده 20 مینگ شرایط گه توغری اوقووچی، اوقیشدن محروم قالگن.
کندهار ولایتی معارف ریاستیگه کوره، «غورک و میانشین» تومنلریدههم اوچ دستلبکی ابتدایی، اورته و یوکسک دورهلریدن یالغیز ابتدایی دوره بولیب، اونگه یالغیز تورت صنف فعال دییلهدی.
کندهار ولایتی معارف ریاستی اورگهتیش اورین باسری محمدعوض نظرینینگ، (سهشنبه) کون سلاموطندارگه ایتیشیچه، معارف وزیرلیگی، کندهار ولایتی تشکیلیده 508 مکتب جایلشتیرگن، بیراق بو جملهدن یالغیز 150 مکتب ایشیگی اوقووچیلر اوچون آچیق تورگن. جناب نظریگه کوره، مکتبلر ایشیگی یاپیق قالگنی باعث، کندهار ولایتی اوقووچیلریدن 25 فایزی اوقیش و تربیهلشدن محروم قالگن.
کندهار ولایتی معارف ریاستی مسؤوللرنینگ ایتیشیچه، مذکور ولایت مکتبلریدن 60 فایزیگه بنا یوق دیر و اوقووچیلر آچیق میدانده تعلیم کورهدی. شونینگدیک، اوزاق منطقهلردهگی تومنلرده، امکانیت بولمهگنی و اوقوتووچیلر قورقینچی باعث، کوپینچه اوقووچیلر اوقیشدن محروم قالگن.
جناب نظرینینگ ایتیشیچه، ینگی تعلیمی ییلدن نیچه آی قالگن، بیراق حاضرگچه بیرقطار مکتبلرنی 8- و 9- صنفلریده درسی کتاب ییتیشمهگن. جناب نظری، کندهار ولایتی اورگهتیش و تربیهلش ریاستی اوقوتووچیلر رقمیگه اشاره قیلیب ایتیشیچه، حاضر مذکور ولایتده 5278 اوقوتووچی اورگهتیش بیلن شغللنماقده و بو جملهدن 900 تهسی عیال دیر.
حاضرگی کونلرده کندهار ولایتیده 260 مینگ اوقووچی تعلیم کورهدی و بو جملهدن کمیده 70 مینگنی قیزلر تشکیل بیرهدی.
