اوتگن کیچه قوراللی طالبلر غزنی ولایتینینگ جغتو و دهیک تومنلری اوستیگه هجوم قیلگن. اوشبو هجومده جغتو تومنینینگ خوفسیزلیک قومندانلیگی مذکور گروهنینگ نظارتیگه اوتگن و دهیک تومنینینگ خوفسیزلیک قومندانی قطار امنیتی کوچلر بیلن هلاک ایتیلگن.
غزنی ولایت کینگشیده جغتو اهالیسینی نمایندهسی نصیراحمد فقیرینینگ سلاموطندارگه ایتیشیچه، دوشنبهدن سهشنبه گه اوترکیچه یریمیده قوراللی طالبلر ینه بیر بار جغتو تومنینینگ خوفسیزلیک قومندانلیگی اوستیگه هجوم قیلگن و نیچه ساعت آتیشمهدن سونگ، امنیتی کوچلر آرقهگه چیکیلگن و طالبلر مذکور تومننینگ خوفسیزلیک قومندانلیگینی نظارت گه آلگن و بوگون ایرته خوفسیزلیک قومندانلیگی بِناسینی پارتلاوچی ماده بیلن بوزگن.
فقیرینینگ ایتیشیچه، اوشبو آتیشمهده ایکی تامان آغیر قربانلیک بیرگن؛ بیراق امنیتی کوچلرنینگ رسمیلری بیلن علاقه کیسیلگنی باعث، حاضرگچه قربانلیکدن دقیق رقم قولده ایمس دیر.
غزنی ولایت کینگشی اعضاسینینگ ایتیشیچه، غزنینینگ دهیک تومنی اوستیگه طالبلر تامانیدن اویوشتیریلگن کینگ هجوم نتیجهسیده، دهیک تومنینینگ خوفسیزلیک قومندانی فیضالله توفان و قطار امنیتی کوچلر هلاک ایتیلگن.
فقیری گه کوره، پولیس کوچلرینینگ ریزرف قطعهسی قومندانی حاجی برکتالله، امنیتی کوچلرگه یاردم بیریش اوچون دهیک تومنی گه یوباریلگن، بیراق یولده قوراللی طالبلرنینگ پیستیرمهسیده هلاک ایتیلگن.
غزنی ولایتینینگ مطبوعات دفتری و امنیتی کوچلرنینگ رسمیلری، بیزلرنینگ کیین مه کیین قونغیراغیمیزگه جواب بیرمهدیلر.
