الهسای و تگاب تومنلریده طالبان حکومتی کوپچیلیکنی ییتمیشینچی ییللردهگی حاکمیتنی ایسلهتهدی؛ قیزلر مکتبی ایشیگینی یاپیش، پتلون کییشنی منع قیلیش، عشر و ذکات طالبلرنینگ قیلمیشلریدن حسابلنهدی.
سلاموطندار محلی خبرچیسینینگ گزارش بیریشیچه، تگاب تومنیگه باریش اوچون محلی لباس کییش کیرهک پتلون کییش درحقیقت خودکشلیک قیلیش دیر. بو تومن گه باریش ده یولده هر لحظه طالبلر بیلن دوچ کیلیش قورقووی بار.
اهالی تومنده قوراللی طالبلرنی فعالیتی توغریسیده گپیریشدن قورقهدیلر و طالبلر قیلمیشی توغریسیده هیچ نرسه خبرچیلرگه تیلگه آلالمیدیلر. حتی خبرچیلرگه محلدن عکس آلیش رخصتی یوق. قیینلیک بیلن اهالیدن بیر نیچه ته سینی صحبتگه تارتیشگه موفق بولهدی محلی خبرچی.
اولرنینگ ایتیشیچه، طالبلر تومن یشاووچیلرینینگ اهالیسی حکومت ادارهسیده ایشلهسه یا – ده پتلون کیسه اولر بیلن جدی مشکلی بار. ملی کوچلرقوراللی طالبلرنینگ قوریقیشیدن بیر محل دن باشقه بیر محلگه اوته آلمیدی.
ایتیلیشیچه، پاکستانلیک همده چیچینلیک طالبلر تگابده موجود. اولرنینگ معین مرکزی بار، آذیق آوقتلر محل اهاسیدن تامانیدن قولگه کیریتیلهدی. طالبلرنینگ بویروغیدن باش تارتگنلر اولدیریلهدی.
تگابتومنی نینگ اهالیسی قیزلرنی مکتب باریش طالبلر محروم قیلگن دیگنلر. تومنگه ترقیایت لایحهلرنی عملگه آشیرهدیگن قوریلیش شرکتلر طالبلر باج بیر دی.
الهسای تومنی تگاب وضعیتیدن یامانراق. الهسای ولسواللیگینینگ اهالیسیگه کوره، 80-90% توپراغی قوراللی طالبلرنینگ نظارتیگه اوتگن. طالب اهالی دن زوردن عشر ذکات آلهدی. بو تومنده هم اهالی نی مکتب باره آلمیدی. حتی ایریم وقتلرده بالهلرنی پلیوگه قرشی ایملش گه هم رخصت بیرمیدی.
طالبان نیچه مرته پولیس گه طرفدار خانهدان لرنینگ اویینی اوتده یاندیریب یوبارگنلر.
مذکور تومنلرده قورللی طالبلر موجودلیگی نی تصدیق له گن ولایت نینگ محلی رسمیلری، بو تومنلرنینگ وضعیتی اوتگن یللرگه قرهگنده یخشی دیگنلر.
سلاموطندارگه صحبت قیلگن ولایت والیسی سیدخالد هاشمی، قیشلاقلر و تومنلرده جنگری طالبلر طرفیدن عششر ذکات ییغیشنی تصدیق لب، نیچه وقتدن بیری قیز لر یوزیگه یاپیب قوییلگن مکتب لردن تورته سینی قیتهدن فعال قیلگن لیکلرینی ایتگن.
ولایت والیسی 50-70% تگاب و الهسای تومنینینگ توپراغی طالبلرنینگ نظارتیده ایکن لیگینی ایتیب، محل اهالیسی نینگ جنگری طالبلرنینگ کینگ کولمه گی فعالیتی دولت قوراللی مخالفلرینینگ تبلیی دیگن.
الهسای و تگاب تومنینینگ اهالیسی مرکزی حکومتدن بو منطقهلرده ییریک حربی عملیات یولگه قوییب تومنلرنی قوراللی طالبلر نظارتیدن چیقاریشنی سورهگنلر.
