اسلام حزبینینگ رهبری گلبدین حکمتیار کابل کیلیشی اوچون لحظه شمارلیک باشلنگن. بو حزبنینگ حربی جهازلری همده کیشیلری ملی کوچلر صفیگه قندهی قوشیلیشی اوچون خواطرلرهم یوق ایمس. بیر قطار ایش بیلرمانلر، اسلام حزبی کوچلرینی مملکت امنیتی ادارهلریگه اعضا قیلیش اوچون اوتمیشده ایشلهتیلگن شیودهدن فایدهلنیش کیرهک دیگنلر.
سیاسی تحلیلچیلر، مذکور حزب مملکتگه کیلمسدن ینه بو حزبینینگ بوتونلی تینچلیک لایحهسیگه قوشیلمسدن آلدین بو حرکتنینگ کیشیلری و حربی جهازلری مسالهسی جدی شکلده یاروتیلشی کیرهک لیگی اوستیده اورغولهگنلر.
افغانستانلیک سیاسی تحلیلچیلردن جاوید کوهستانی، اسلام حزبی بوندن بویان ترورچی گروهلرگه همکارلیک قیلمسلیگی و بنیادگرالیک قرهشینی بر طرف ایتیشی اوچون اجراییه تضمین بیریشی لازم دیگن.
شونینگدیک جناب کوهستانی اسلام حزبینینگ بیرچه قورال اسلحهسی دایاک و دی. دی . آر آرقهلی ییغیلیشی اوستیده تاکدیلهگن.
عین حالده، کوهستانی، اسلام حزبینینگ کیشیلری ملی کوچلر صفیگه آلینشی اوچون مرکزی حکومت قونت بولیشی بارهسیده علیحده تاکیدلهگن.
حربی تحلیلچیلردن بیری کابلخان تدبیر، اسلام حزبیگه قرهشلی برچه قورال اسحلهلر حکومتگه تاپشیریلیشی اوتسیده تکایدلهگن. اونینگ سوزلریگه کوره، حکومت بو مسالهگه جدی یاندهشب اولرگه علیحده قطقه توزهتیب بیرمسلیگی شرط.
مملکت شمالیده اسلام حزبینینگ سوزلاوچیسی حشمتالله ارشدنینگ سلاموطندارگه ایتیشیچه، مرکزی حکومت بیلن اسلام حزبی اورتهسیده امضالنگن شرطنامهگه اساسن، برچه قورال اسلحهلر حکومتگه بیریلیب، حزب نینگ اعضالری ملی مدافعه، ایچکی ایش لر وزیرلیک لری قوشیمچه ملی امنیت ادارهسیگه ایشگه آلینهدیلر.
عین حالده، جمهور رییس سوزلاوچیسینینگ اورین باسری شاهحسین مرتضوینینگ سلام وطندارگه بیلدیریشیچه، اسلام حزبینینگ قورال اسلحهسی مخصوص لایحه آرقهلی جمع لهنیب، کیشیلری ایسه مملکت امنیتی ادارهلریگه ایشگه آلینه دیلر.
گلبدین حکمتیار سیاسی قدرتنی آلیش اوچون 40 ییل کابلده قورال کوتاردی. شونینگ دیک او سونگی اون بیش ییلده هم قوراللی طالب تیزیمیدن سونگ اورتهگه کیلگن دولت نی تونتریب و خلق ارا کوچلری بوتونلی مملکتدن چیقاریلیب " اوز ایستهگیگه موافق" اسلامی حکومت وجودگه کیلتیریش اوچون کم سعی و حرکت قیلهدی.
