بوگون «شنبه» نماینده‌لر کینگشی‌نینگ عمومی ییغینیده ملی خوفسیزلیک عمومی باشلیغی معصوم استانکزی‌نینگ ایتیشیچه، قندهار پولیس قومندانلیگینی سابق قومندانی جنرال عبدالرازق اچکزی ترور ایتیلیشی توغریسیده ایلگریدن معلومات بار ایدی.
ملی خوفسیزلیک باشلیغینینگ ایتیشیچه، تروریستلر منطقه استخباراتینینگ همکارلیگی بیلن حوت آیدن بویان، جناب اچکزینی ترور قیلیش اوچون سعی و حرکت قیلهریکن؛ بیراق موفق بولمهگن ایکنلر.
استانکزیگه کوره، تروریستلر تروریستی حرکتلرینی عملی قیلیش اوچون امنیتی نهادلرگه استخدام ایتیلگنلردن قولنهدیلر.
ملی خوفسیزلیک باشلیغینینگ ایتیشیچه، توشونمسدن ایشانیش و کیشیلرنی واسطه آرقهلی تعیین ایتیلیشی بوندهی واقعهلرگه سبب بولهدی.
استانکزی‌نینگ ایتیشیچه، قندهار سابق پولیس قومندانینینگ ترور ایتیلیش دوسیهسی 5 مرحلهگه تیکشیریش آستیگه قرار بیریلگن و بو توغریده 22 کیشی تحقیقات آستیگه قرار تاپگن.
ملی خوفسیزلیک باشلیغینینگ ایتیشیچه، قندهار واقعهسینینگ کوپینچه تامانی آچیقلنگن و چیگره‌نی او تامانیده بو واقعهگه عیبدار تانیلگن کیشی‌لر قولگه آلینیشی اوچون جمهورلیک ریاستی و دنیا جماعه چیلیگینی بو ادارهگه یاردم بیریشی کیره‌ک.
ایچکی ایشلر وزیری ویساحمد برمک نینگ ایتیشیچه، قندهار واقعهسی خصوصیده، پولیس تحقیقاتینی انجام بیریب ملی خوفسیزلیک ادارهسیگه تاپشیرگن.
عینحالده، طالبان گروهی بیر اعلامیه ترقه‌تیب، مذکورنینگ قولیده بولگن 207 ظفر قول اردو قومندانلیگینینگ اورین باسری نعمتالله خلیل و فراه ولایتی کینگش باشلیغی فرید بختورنینگ جسدلری شامل قطار حربیلرنینگ جسدلری، عایله‌لریگه تاپشیریلمهگن.
طالبلرنینگ اعلامیهسیگه کوره، جنرال عبدالرازقنینگ ترور قیلگن هجومچی ذبیحالله ابودجانه نینگ جسدی عایلهسیگه تاپشیریلمهگن صورتده، اولر فراه ولایتی کینگشی باشلیغی و 207 ظفر قول اوردو قومندانلیگی اورین باسرینینگ جسدی عایله‌لریگه تاپشیریلمه‌یدی.
