مملکت اخبارات و مدنیت وزیرلیگی عاموی اخبارات واسطهلر تقلبلری همده شکایتلرگه ییتیشیش کمیسیون اعضالرینی تنیشتیردی.
خدابخش محسنی، محمدداوود توفان، وحیدغروال، حمیرا ثاقب، عبدالرحیم جامی، وحیدالدین ارغون، ضیابومیا، صدیقالله توحدی و برشنا عالمیلر بوگون (یکشنبه) مدیا عالی کینگشی ییغینیده افغانستان اخبارات ومدنیت وزیری عبدالباری جهانی تامانیدن اوشبو کمیسیون اعضالری صفتیده تانیشتیریلگن.
اخبارات ومدنیت وزیرلیگینینگ سوزلاووچیسی هارون حکیمینینگ مذکور شخصلر قندهی تنلنگنی بارهسیده سلاموطندارگه ایتیشیچه، معین رسانهیی ادارهلر مذکور شخصلرنی مدیا عالی کینگشی گه تانیشترگن و مذکور کیشیلر اوشبو کینگش تامانیدن رویخطی تصدیقلهنیشی اوچون جمهور رییسلیک سراییگه یوباریلگن.
جناب حکیمینینگ سوزلریگه کوره، شکایتلرگه ییتیشیش کمیسیون قانونی شکلده ایجاد ایتیلگن و بو کمیسیون اعضالرینینگ ایشی هم انیق دیر.
اوشبو کمیسیوننینگ اعضاسی عبدالرحیم جامینینگ سوزلریگه کوره، کمیسیوننینگ بیرینچی قیلهجک ایشی عاموی اخبارات واسطهلریدهگی تقلب همده شکایتلرگه ییتیشیش اوچون معین بیر لایحه ایشلب چیقیش دیر.
جناب جامی، مذکور کمیسیون سابق تاسیس ایتیلگن کمیسیوندن کوره ایرکین روشده ایش قیلیشگه سعی وحرکت قیلهدی.
بوندن آلدین هم تخلف همده شکایتلرگه ییتیشیش اوچون شو قبیل کمیسیون ایجاد ایتیلگن، اما، ایریم کوزهتووچیلر همده عاموی اخبارات واسطهلریگه قرهشلی ادارهلر مذکور کمیسیوننینگ ایشیدن راضی بولمهگنلر.
