ننگرهار ولایتینینگ امنیتی مسووللری، داعش گروهیگه آغیر ضربه بیریلگن لیگی بارهسیده خبر بیرگنلر.
ننگرهار ولایت والیسینینگ سوزلاوچیسی بوگون (جمعه) سلاموطندار بیرگن صحبتده، اوتگن 24 ساعت ایچیده قهر سیلاب نامیده اوتکزیلگن حربی عملیاتده داعش جنگریلریدن 36 نفر نابود ایتیلگن. عملیات ولایتنینگ اچین تومنیده اوتکزیلگن.
خوگیانیگه کوره، ولایتنینگ کوت و هسکهمینه تومنلریده عملیات جریانی بار. داعشگه آغیر تلفات ییتکزیلگن لیکدن علاوه جنگریلرنینگ قورال اسلحهسی قولگه کیریتیلگن.
ننگرهار ولایتیده قهر سیلاب ناملی عملیات جمهور رییس بویروغی بیلن اوتکزیلگن. سیلاب 201- قول اردو اخبارات واسطهلر مسووللری جلال آباد شهریده اوتکزگن خبری ییغینده بیلدیریشلریچه، عملیاتنینگ بیرینچی باسقیچی ولایتنینگ کوت، نازیان، اچین و هسکهمینه تومنلریده باشلنگن. عملیات عاقبتیده داعشنینگ قطار مرکزلری نابود ایتیلگن.
ننگرهار پولیس مطبوعات مسوولی حسین مشرقیوال، قهر سیلاب ناملی عملیاتلردن باشقه عملیاتنینگ فرقی جنگریلردن تازهلنگن محلی پولیس پوستهلری ایجاد ایتیلهدی دیگن.
خبری اولتیریشده اشتراک قیلگنلردن ننگرهار ولایت والیسینینگ سوزلاوچیسی قهر سیلاب ناملی حربی عملیات ایکی باسقیچده اوتکزیلهدی دیگن. بیرینچی باسقیچده جنگریلر بوتونلی نابود ایتیلیب کیین تازهلنگن منطقهلرده پولیس پوستهلری تاسیس قیلینهدی.
اونگه کوره، دایمی امنیت تامین ایتیلیشی اوچون هر بیر تومنده بیش کیشیلیک صلاحیتلی کمیسیون ایجاد بولهدی، بو کینگشنینگ مسوولیتی دولت قوراللی مخالفلری فعالیتی آلدینی آلیش دیر.
