.jpg)
ننگرهار ولایتی محلی مسؤوللری نینگ ایتیشلریچه، بوگون ایرتهلب مذکور ولایت نینگ «کوزکنر» تومنیده محلی پولیس قومندانی شیخ اکرم نینگ جنازه مراسمی ده یوز بیرگن خودکش هجوم ده 15 کیشی هلاک و باشقه 56 کیشی یرهلنگن.
ننگرهار حاکمی سوزلاوچیسی عطاءالله خوگیانی، بو هجومنی خودکش هجوم دیگن. اونگه کوره، دستلبکی گزارشلر اساسیده، اوشبو خودکش هجوم ده چمهسی 15 کیشی هلاک و باشقه 56 کیشی جراحتلنگن.
اونگه کوره، خودکش هجومچی اوزینی جنازه قیلووچیلرنینگ آرهسیده پارتلتگن.
اوشبو واقعه مسؤولیتینی حاضرگهقدر هیچ بیر کیشی یا-ده گروه بوینیگه آلمهگن.
عین دمده، کابل غربی ده جایلشگن بیر کسلخانه باشقه خودکش هجومچیلرنینگ هجومی گه گواه بولگن. ایچکی ایشلر وزیرلیگی نینگ ایتیشیچه، امنیتی کوچلر حاضرگهقدر کسلخانه ده بند قالگن 40 عیال و باله نی قوتقرگن.
کابل غربی ده یوز بیرگن واقعه گواهلری نینگ ایتیشلریچه، هجومچیلر امنیتی کوچلرنینگ کییمی بیلن کسلخانه گه هجوم قیلیشگن.
اوشبو هجوم مسؤولیتینی هم حاضرگهقدر هیچ بیر گروه بوینیگه آلمهگن.
