هرات پاسپورت مدیریتیدن سلاموطندارنینگ قولگه کیریتگن معلوماتلر کورسهتیشیچه، پاسپورت آلیش لایحهسیده جدی مالی افلاس کارلیک و تخنیکی قیینچیلیک موجود.
هرات ولایتی پاسپورت مدیریتیده اوتمیش زمانلردن پاسپورت آلیش لایحهسی عملگه آشیریش چاغیدن افلاس کارلیک باشلنگن.
محلی زوروانلرنینگ ایرکین شکلیده ارهلهشیشی، محلی زوروانلر نفوذیدن ایشآلیش، ایریم دلیللربیلن پاسپورت ایشیگه دخالت قیلیش و پاره بیریش، هرات یشاوچیلری اوچون مذکور ادارهده فساد اوج قیلگن.
حاضرچه الکترونیکی پاسپورت کابلدن آلینهدی. مذکور عمل پاره خورلیکلرنی ازانچه کمهیتیرگن، بیراق هرات ولایتیده پاسپورت آلیش لایحهسی، زوروانلر و قاره بازار دلاللریگه پاره خورلیک زمینهسینی یرهتگن.
شوسونگیده، هرات ولایتی پاسپورت مدیری حیثیده تعیینلگن خواجه محمد اکبر صدیقی، پاسپورت آلیش اوچون اصلی قیینچیلیکنی پاره خورلر قولی بارلیگی دیب بیلهدی.
بونگه قوشیمچه، سلاموطندارنینگ قولگه کیریتکن هرات ولایتی کینگش ریاستیگه تیگیشلی قلاب کارلیک حجتلرنی کورسهتیشیچه، بیر آی جریانیده (1394/2/29 دن 1394/3/24 گه قدر) کمیده 318 کیشی پاسپورت آلیش اوچون هرات ولایتی کینگش باشلیغی نینگ قول قویشی بیلن اوچ مکتوبده هرات پولیس قومندانلیگیگه تانیشتیریلگن. بو مکتوبلر قیسی قانونگه قرهتیب، هرات پاسپورت مدیریتیگه یوباریلگنی انیق ایمس.
جناب صدیقی مکتوبلر موجودلیگینی تأیید قیلیب ایتیشیچه، بو مکتوبلر ولایتی کینگش ریاستیدن هرات پولیس قومندانلیگیده یوباریلگن و بو توغریده قیسی بیر دلیل یوق.
بیراق، هرات ولایتی کینگش نمایندهسی حبیبالرحمان پدرامنینگ ایتیشیچه، خاص بیر شرایطده مؤکللرنی تکرار صورتده تشریف بویوریشی باعث، ولایتی کینگش نمایندهلری، اولرنی پاسپورت آلیش اوچون امنیه قومندانلیگیگه تانیشتیرگن. قانونی صورتده، هر بیر آیده بیر الی ایکی کیشی تانیشتیریشلیگه مشکل یوق ایکن.
او، نیمه اوچون بیر آی ایچیده ولایتی کینگش آدرسی و کینگش باشلیغی کامران علیزایینینگ امضاسی بیلن، 318 پاسپورت آلهدیگن کیشی پولیس قومندانلیگیگه تانیشتیریلگن؟ سلاموطندار تامانیدن بیریلگن سوراققه ولایتی کینگش باشلیغی جواب بیرمهدی.
عین حالده جناب علیزایی، بو رقمدن خبر سیزلیک بیلدیرهدی، اوچ مکتوب اونینگ اوز بویروغی و امضاسی بیلن امنیه قومندانلیگیگه یوباریلگن.
نارسمی بیلدیریلیشلرگه کوره، هر بیر پاسپورت بویروغی ایکی الی اوچ مینگ افغانی هراتده ساتیلهدی؛ بو رقمگه قرهگنده، 318 کیشینینگ خرجتی، بیر آی ایچیده آلتی یوزمینگ افغانیدن آشهدی. جناب علیزایی سلاموطندار بیلن اوتکزگن صحبتیده، اوچ مکتوبده بولگن امضاسیدن انکار قیلیب و بوندهی مکتوبلرنی ولایتی کینگش امنیتی کمیتهسی، جناب حبیبالرحمان پدرامگه تیگیشلی دییدی.
جناب علیزایی، قوم بویوکلری و اربابلر پاسپورت آلیش خصوصیده ولایتی کینگشده تشریف بویورگنلریگه اشاره قیلیب ایتیشیچه، ولایتی کینگش نمایندهلری، تشریف بویورگنلرنینگ پولیس قومندانلیگیگه یوباریشگه مجبورلر. بیراق، بوندهی بیر جبرلر قهییردن کیلیشی بیللی ایمس.
ایتیش لازم، ینگی لیکده بیر ایرانلیک عیال، هرات پولیس قومندانلیگی تامانیدن افغانستان پاسپورتینی قولگه کیریتکن ایدی.
دیمک ایرانلیک فقرا، افغانستان پاسپورتینی قولی شکلیده قولگه کیریتیشی سوراق توغدیرهدی؛ بیراق حاضرگی شرایطگه قرهگنده هراتدن قوللابی پاسپورت آلیش اونچهلیک قیین ایمس.
تخنیکی قیینچیلیکلر
هرات پاسپورت مدیریگه کوره، اداری کادر کملیگی باعث، پاسپورت مدیرتی کونیده ایکی یوز الی اوچ یوز یشاوچی ایستهگیگه ییتیشهدی. عین حالده، کونیده آلتی الی ییتی مینگ پاسپورت ایستکنامهسی مذکور ادارهگه تاپشیریلهدی و حاضرگچه پاسپورت آلیش بویروغی صادر بولمهگن.
هرات یشاوچیلری، پولیس قومندانلیگیدن پاسپورت آلیش اوچون، کمیده 20 کون بیکلب قالیشلری لازم. اوشبو مسأله، بیرقطار کیشیلرنی تیزلیکده پاسپورت قولگه کیریتیش اوچون پاره بیریشگه مجبورقیلهدی.
بوندن کیین، پاسپورت بیریش خصوصیده ینگی بیر رسمی باسقیچ باشلنهدی. حاضر هر بیر پاسپورت آلهدیگن کیشیلرگه، اداری لایحه عملگه آشیریلیب، پاسپورت قولگه کیریتیش توغریسیده، کمیده 45 کون کوتیب قالیشی کیرهک. مدیریت تصدیقینی قولگه کیریتکنیدن سونگ، پاسپورت قولگه کیرتیش باسقیچی مدیریتیده رویخطگه آلینهدی. بو باسقیچ هم کمیده تورت کون دوام ایتهدی.
هرات پاسپورت مدیریتیده اداری باسقیچ یکونلنگنیدن کیین، حجتلر بیر مکتوب بیلن کابل پاسپورت مدیریتی تامان یوباریلهدی و کمیده 15 الی 20 کون دوام ایتهدی، چاپ بولگن پاسپورتلر، هرات پاسپورت مدیریتی تامانیدن ایگهسیگه تاپشیریلهدی.
شوندهی بیر شرایطده، کوپینچه کیشیلر اوچ یوز دالر خرچ قیلیب، بو جریاننی اوچ کون ایچیده یکونلنتیریب، پاسپورتینی قولگه کیریتگنلر.
هرات یشاوچیلریدن بیری باقر جمشیدینینگ، تقدیری بوتوغریده قیزیق اورنک دیر. او هراتدن پاسپورت آلیش اوچون کمیده ایکی آی کوتگن. بیراق نیچه مرته پاسپورت مدیریتیگه باریب سلبی جواب ایشیتگنیدن کیین، صبری توگهلیب کابلگه تامان یول آلگن. اوندن کیین کابل پاسپورت ریاستیده بارهدی، بیراق خصوصیاتلرینی رویخطگه بیریش چاغیده، پاسپورت ریاستی اونینگ بوندن آلدین پاسپورتی بارلیگینی ایتیب و قیتهدن آلیش قانونگه قرشی دییدی. انه شو باعث، جناب جمشیدی 15 کون کابلده قماققه تشلنهدی. بوندن کیین، کابل پاسپورت ریاستی، باقر جمشیدینینگ قضیهسیدن خبر بولهدی، جناب جمشیدی قوییب یوباریلهدی؛ بیراق، بو تخنیکی قیینچیلیک سبب، بیر کیشی 15 کون قماققه تشلنگن.
سونیا، اوشبو وضعیتدن باشقه بیر اورنک. اونینگ حجتی اوچ سینگلیسی و آنهسی بیلن هرات پاسپورت مدیریتیده یکونلنگن و پاسپورت آلیش اوچون کابل یوباریلگن. سونیانینگ سینگلیسینی پاسپورتی انچه پیت سونگ هرات پاسپورت مدیریتیگه ییتیشگن، بیراق اوزی کمیده ایکی آی پاسپورتینی کوتیب قالگن. کابل پاسپورت ریاستی، بیر مکتوب آرقهلی کمیده 750 ایستکنامهنی قیتهدن هرات پاسپورت مدیریتی گه یوبارگن. بو مسأله سببی، مذکور کیشیلرنینگ حجتلری یکونلنمهدی دییلگن. دیمک سونیا بیلن سینگلیسینینگ حجتی اورتهسیده هیچ بیر فرق کورینمهیدی. حاضرگچه، هیچ بیر اداره بو توغریده سونیاگه آچیق جواب بیرمهیدی.
افغانستانده پاسپورت قیینچیلیگی اینیقسه هرات ولایتیده، کته بیر ییچیم سیز معماگه اوزگریب قالگن.
حاضر سوراق توغیلهدی، نیمه اوچون پاسپورت آلیش بو قدر قیینچیلیک و توسیقلرگه دوچ کیلهدی و زمان اوتیشی بیلن کته قیینچیلیککه اوزگرگن؛ عین حالده، بیر آز اصلاحات بیلن بو قیینچیلیکلرنی حل قیلیب بولهدی.
