غزنی ولایتی امنیتی مسووللری، نا معلوم قوراللی شخصلر بوگون ایرتلب جاغوری ولسواللیگینینگ تورت یشاووچیسینی قره باغ – و جاغوری عمومی یولیده اوغیرلهگنلیکلرینی ایتگن.
غزنی پولیس قوماندانلیگینینگ خوفسیزلیک آمری اسدالله انصافی نینگ سلام وطندارگه ایتیشیچه، کابلدن کیلیب کیچهنی غزنیده اوتکزگن بو کیشیلر ایرتلب جاغوری ولسواللیگی تامان کیتهدن دیگن پیتده قرهباغده اوغیرلگنلر.
ولایت خوفسیزلیک آمری بو توغریده تیرگاوو باشلنگنلیگینی ایتگن.
عینحالده، اوتگن هفته هم بیر باله، بیر هیداووچی و ایکی خاتین جاغوری ولسواللیگیدن دهمرده منطقهسی تامان کیته دیگن بیر چاغده گیلان ولسواللیگی نینگ رسنه منطقهسیده اوغیرلنگن ایدی.
حادثهدن کیین منطقهنینگ قوم یاش اولوغلری قوراللی طالبلربیلن مساله اوچون علاقه ده بولگنلر، لیکن قوراللی طالبلر مذکور شخصلرنی اوغیرلهگنلیکلرینی رد قیلگن ایدی.
جاغوری و گیلان ولسواللیگینینگ قوم یاش اولوغلری نهایتده نیچه کوندن کیین آدم اوغیرلاووچیلر بیلن ملاقات قیلیشگه موفق بولگنلر. آدم اوغیرلاووچیلر، اوشبو کیشیلر آزاد ایتیلیشی اوچون 2.5 میلون افغانی و ملی امینت ادارهسیده سقلنهدیگن اوزبیکستانلیک بیر خاتین آزاد قیلینیشینی سورهگنلر.
اولر، ایستکلری عملگه آشیریلمهگن حالده، اوغیرلنگنلرنی آزاد ایتمسلیکلرینی بیلدیرگنلر.
ولایت قوم یاش اولوغلری اوغیرلنگنلر برچهسی زابل ولایتیگه آلیب کیتیلگنلیکلرینی ایتگن.
اوتگن نیچه آی جریانیده غزنیده نیچه مرته آدم اوغیرلش حاللری کوزهتیلدی.
شونینگدیک اوتگن ییل حوت آیی نینگ تورتینچیسیده 31 یولاووچی قندهاردن کابل تامان حرکتده بولگنده شاهجوی ولسواللیگیده اوغیرلنگن ایدیلر.
حادثهدن ایکی یریم آی اوتگندن سونگ مذکور 31 یولاووچی دن 19تهسی اوزبیکستانلیک محبوسلر بیلن المشتریلیب آزاد ایتیلگن ایدی.
اما، اولرنینگ 12 نفری نینگ تقدیری هنوز انیق ایمس.
جاغوری ولسواللیگی قوم یاش اولوغلریدن میرزخان نینگ سوزلریگه کوره، مذکور 12 کیشی هنوز هم اوزبیکستانلیک لر تورمهسیده سقلنهدی.
