قندوز ولایتینینگ دشتارچی تومنی اوستیگه میلادی 2018- ییل، 2- اپریلده اویوشتیریلگن هوایی هجوم توغریسیده یوناما ینگی گزارش ترقهتدی. یونامانینگ اوشبو گزارشیده یوز بیرگن واقعه نتیجهسیده 107 کیشی قربان بولگن و بو جملهدن (36 کیشی هلاک و 71 کیشی یرهلنگن) و قربانلردن 81 تهسینی بالهلر تشکیل بیرهدی و شونینگدیک، قولگه کیلگن باشقه معلومات قربانلیک رقمی بوندن آرتیق دییلگن.
اوشبو گزارش قندوز شهریده اوچ کته مصلحتی ییغین، قربانلر، عینی گواهلر، دولتی رسمیلر و ساغلیقنی سقلش ملازملری بیلن 90 دن آرتیق صحبت اوتکزیلیب و بو واقعه حقیقتینی تیکشیرووچی هیأت معلوماتیدن تیارلنگن. اونملی معلوماتلردن بیری، مذهبی ییغین و اطرافینی حکومت راکتلر و آغیر ماشیندار بیلن نشانگه آلگنی و تینچ اهالی هلاکتی و یرهلنیشیگه سبب بولگن.
بوندن باشقه، مذکور گزارش یوناما تینچ اهالی هلاکتی و یرهلنگنلرینی فردی شکلده تصدیق قیله آلمهگنی توغریسیده معلومات بیریلگن. دستلب واقعه یوز بیرگن محلده قوراللی طالبلرنینگ رهبرلری یا-ده موجود گروهلرنی عین زمانده بیللی قیله آلمهگن.
نتیجهده، یوناما گزارشیده افغانستان دولتی گه تکلیفلر بولگن و بو تکلیفلردن بیری هر بیر زماندن تینچ اهالیلرنینگ جانلری سقلهنیشی اوچو خلق ارا انسان دوستلیک قانونی اساسیده، ایشانچ قولگه کیلتیریش اوچون حربی لایحهلرگه قیته تیکلش دیر.
