.jpg)
جوزجان ولایتی درزآب تومنینینگ یشاووچیلری، اسلامی دولت نامی بیلن فعالیتگه باشلهگن داعش جنگریلری اوچ کیشی تینچ اهالینی اولدیرگن لیگینی ایتگنلر. داعش تودهسی 5 گودکنی یرهلنتیریب و 2 بالهنی آلیب کیتگن لیگی درزابلیکلر تامانیدن تیلگه آلیندی.
داعش عصیانچیلری سونگی ایکّی کون ایچیده چمهسی 100 یشش اوینی اوتگه یاندیریب یوبارگنلیگی ایتیلهدی. عین حالده، 150 عایله ایسه مجبوریت یوزهسیدن اوی جایلرینی ترک قیلگن لیکلرینی تیلگه آلگن آواره بولگن خانهدانلر اعضاسی.
بیر عایلهنینگ اوچ اعضاسی جسدینی ولایت مقامی بناسی قرشیسیگه آلیب کیلیب عدالت سورهگن درزآبلیک بو خانهدانلر حکومتدن داعش تودهسی اوشبو تومنده بوتکول نابود ایتیلیشینی سورهگنلر.
«داعش جنگریلری قیشلاغیمیزگه کیلیب اوچ کیشینی شفقتسیز روشده اولدیردی، بالهلرنی یرهلنتیردی و بار یوغیمیزنی آلیب کیتدی» دییه نالیگن درزاب یشاووچیسی بولمیش شیرعلی.
.jpg)
تومنده حربی تازهلش عملیات یولگه قوییلمهگن لیگینی تنقید آستیگه آلگن یشاووچیلر«داعش جنگریلری حتی عیاللر و قیزلرگه هم شفقت قیلمسلیگنی» ایتهدیلر.
حادثهنی اعتراف قیلگن جوزجان ولایت والیسی نینگ اورین باسری عبدالرحمن محمودی، حاضر ییترلی درجهده حربی قوشین درزآب تومنیگه سفر بَر قیلیگن دیدی. مساله تیکشیریلیشی اوچون ولایت مرکزیدن تومنگه هیات یوباریلیشی نظرده توتیلگن دیگن جناب عبدالرحمن محمودی.
درزآب تومنیده داعش تودهسی نابود قیلینیشی اوچون تیز آرهده ییریک حربی عملیات اوتکزیلیشی انابتگه آلینگن دیگن ولایت اورین باسری.
جوزجان نینگ درزآب تومنی ولایتدهگی اینگ نا تینچ ولسواللیکلردن حسابلنهدی. ننگرهاردن کیین داعش نینگ فعالیتی بو تومنده کوپراق سیزیلگن لیگی بار- بار ایتیلگن.
