قندوز ولایتی نینگ محلی مسؤوللری، اوشبو ولایت نینگ خانآباد تومنیده ماین پارتلهگنیدن خبر بیرگن.
خانآباد تومنی ولسوالی حیاتالله امیری، اوشبو خبرنی تصدیقلب ایتیشیچه، یوز بیرگن پارتلشده 7 تینچ اهالی جان بیرگن و باشقه 6 تینچ اهالی یرهلنگن.
اوشبو واقعه اوتگن کون «دوشنبه، 12- جوزا» کیچ قورون خانآباد تومنی نینگ «جنگل باشی» منطقهسیده عادی ایشلاوچیلردن 13 تهسی بیر زرنج گه مینیب کیتهیاتگن پیت یولده ییرلشتیریلگن ماین گه دوچ کیلگن بیرچاغده یوز بیرگن.
اوشبو ایشلاوچیلر بدخشاندن ایکینچیلیک ییرلرنی اوستیگه ایشلش اوچون قندوز کیلیشگن ایکن.
جناب امیری نینگ ایتیشیچه، اوشبو واقعه طالبان نینگ حاکمیتی ده بولگن منطقهده یوز بیرگن و بو واقعه قربانلری بدخشان ولایتی نینگ ارگو تومنی «ارغند» قیشلاغی نینگ اهالیسی بولگن.
اونگه کوره، اوشبو واقعه ده یرهلنگنلر کسلخانه گه انتقال بیریلگن و اولردن 2 تهسی نینگ احوالی آغیر دییلهدی.
عین حالده، قندوز حاکمی سوزلاوچیسی عصمتالله مرادی نینگ ایتیشیچه، اوشبو ماین طالبان تامانیدن یولده ییرلشتیریلگن ایکن.
طالبان گروهی حاضرگهقدر بو پارتلش توغریسیده هیچ نرسه دیمهگن.
