بوگون16- حمل، 31 اوغیرلنگن یوللاوچیلر عایله اعضاسی و ایریم مدنی جماعهچیلیک اعضاسی کابل صدرات چهار راهه سیده ناراضلیک کورسهتیب، حکومت اوغیرلنگن یوللاوچیلر اوچون سکوتنی سیندیریشی کیرهک دیگن شعارلری بیلن اعتراض بیلدیردیلر.
ناراضلیک کورستگنلر گه کوره، 31 یوللاوچی اوغیرلشیگه بیر آیدن آشهدی، اما حاضرگه قدر مذکور یوللاوچیلر قویب یوباریلیشی اوچون هیچ ایش قیلمهگن.
ناراضلیک کورستگنلردن بیری کنشکا بیگاه نینگ سلاموطندارگه ایتیشچه، مذکور واقعه اوچون سکوتنی سیندیریب، 31 یوللاوچینی قوتقهزیش اوچون انتظارلیکلر گه نقطه قویسینلر.
ناراضلیک کورستگنلر جمهورلیک ریاست بیرینچی اورین باسری جنرال عبدالرشید دوستم اویی مقابلیده باریب، ناراضلیکلرینی دوام بیرماقده ایدیلر، اما کابل 10- حوزه مسؤوللری خصوصی حریمگه اجازه بیرمی، رسمی ایش دفتری توغری سیده ناراضلیک کورسهتیشلرینی سورهشی بیلن توسیق چیقگنلر.
مذکور حوزه باشلیغی ناراضچیلیک کورستگنلرگه ایتیشیچه، شخصی اوی توغری سیده ناراضلیک کورسهتیش دن کوره رسمی ایش دفتریده باریشلرینی لازم کورگن.
اوشبو ناراضلیکلر اوتگن کون اجرایی ریاست ایکینچی اورین باسری حاجی محمد محققنی رسانهلرگه 31 یوللاوچی داعش گروهی آرقهلی قیدگه آلینگنلیگی خصوصیده سوز اوتکزگنیدن سونگ بولگن.
جناب محقق، مذکور یوللاوچیلر طالبلر آلدینگی تانیقلی عضولری بولمیش ملا منصور دادالله و حقملگه تانیلگن ملاعبدالله کاکر واسطهسی بیلن زابل ولایتی شاهجوی تومنیدن اوغیرلنگنلیکلری خصوصیده نطق سوزگه چیقگن ایدی.
مذکور یوللاوچیلر 1393- ییل 4- حوتده قندهاردن کابل تامان کیلماقده ایدیلر، زابل ولایتی نینگ شاهجوی ولسوالیگیدن نقابلی تانیقسیز شخصلر واسطهسی بیلن قیدگه آلینیب، حاضرگه قدر یوللاوچیلر قه ییرده لیگی تقدیری توغری سیده انیق اطلاعات قولده کیلمهگن.
