پکتیکا ولایتینینگ سرروضه تومنیده قوراللی طالبلر بیر تورموش قوروش مراسمی اوستیگه هجوم اویوشتیریب بیر کِیاو بیلن باشقه اوچ کیشینی آتیب اولدیرگن و باشقه بیر کیشینی یرهلنتیرگن.
مذکور ولایت پولیس قومندانی خلیلالله ضیایینینگ ایتیشیچه، بو واقعه اوتگن کیچه (پنجشنبه) سرروضه تومنینینگ سرروضه قیشلاغیده یوزبیرگن.
اونگه کوره، واقعه قربانلرینینگ برچهسی تینچ اهالی بولیب و دولت بیلن هیچ قندهی علاقهسی یوق ایکن.
بیراق، قوراللی طالبلر میدیاگه پیام یوباریب هجوم مسؤولیتینی بوینیگه آلگن و ادعا قیلیشیچه، مذکور کیشیلرنی دولتگه همکارلیک قیلگنلری باعث، آتیب اولدیرگنلر.
