ملی بیرلیک حکومتی اجراییه باشلیغی عبداللهعبدالله اوتگن کون (سهشنبه) ایران جمهور رییسی حسن روحانی بیلن اوچرهشیب، افغانستانلیک مهاجرلر بومملکتنینگ کیشیلیک سرمایهسی دیب، افغانستان دولتی بولرنینگ اوزاق مددتگچه ایرانده قالیشی و استه – سیکین مملکتلریگه قیتیش اوچون هیچ قندهی بیر ایشدن دریغ قیلمدی دیگن.
جناب عبدالله، اوتگن قیرق ییل جریانیده ایران افغانستانلیک مهاجرلرنی یخشی میزبانلیک قیلگنلیگی توغریسیده اشاره قیلیب ایتیشیچه، افغانستان حکومتی ایراندن مهاجرلر و قاچقینلر حضوری قانونی بولیش سیاستیدن آرقهداشلیک قیلهدی دیگن. اما مهاجرلرنینگ معماسی و قیینچیلیگی نظرده توتیلگن حالده، هویتی تثبیت بولهدیگن مهاجرلرنینگ قالیش مددتی آلتی آیدن بیر ییلگه کوپیتیریلشینی سورهگن جناب عبدالله.
حکومت اجراییه ریاستینینگ مطبوعات خذمتیدن نشر ایتیلگن خبرنامهده، اجراییه باشلیغی قاچینلر بیلن بولگن اوچرهشووده، اولرنینگ افغانستانگه قیتیشی همده تجربهلریدن فایدهلهنیش اوچون شرایط یرهتیلیشیدن سوز بیرگن.
افغانستاننینگ ایراندهگی ایلچیلیگیده عبدلله بیلن اوچرهشیب ملاقات قیلگن مهاجرلر، تجارلر و اوقوچیلری ایرانده روپهره بولیب تورگن معمالری بارهسیده گپیرگنلر. اجراییه ریاستینینگ خبرنامهسیده یازیلیشیچه، داکتر عبدالله ایران دولتیدن او مملکتدهگی افغانستانلیک محبوسلر افغانستانگه آلیب کیلینیب محاکمه بولیشیی و ایرانده استقامت قیله دیگن مهاجرلرنینگ قالیش مددتی آلتی آیدن بیر ییلگه کوپیتیریلیشی ایران دولتیدن سورهگن اساسی موضوعلر بولگن.
شونینگدیک اوچرهشووده ایران جمهور رییسی جناب روحانی افغانستاننینگ سیاسی تاریخی مسالهلری جملهدن سابق شوروی و طالبلر زمانیدهگی ایچکی اوروشلر جریانیده مینگلب افغانستانلیک فقرا بو مملکتگه باش پنه ایزلب کیلگنلیکلریگه اشاره قیلیب، بو بشری ملی سرمایهلر کونی کیلیب افغانستانگه خذمت قیلیشلریگه امید بیلدیرگن.
اوزاق ییللردن بیری افغانستانلیک مهاجرلر ایران دولتی تامانیدن اذیت ایتیلیب کیلهدی. هر مرته ایران دولتی افغانستانلیک قاچقینلر توغریسیده بولگن سیاستیگه اوزگریش کلتیریشنی تیلگه آله دی، اما هنوز گچه هم بو مساله بارهسیده عملده آدیم کوتارمهگن.
