جوزجان ولایتی کینگش اعضالرینینگ ایتیشیچه، ملی اردو اوچاقلری درزاب تومنیدهگی امنیتی کوچلرگه بیریله دیگن اوروش جهازلری و اکمالاتینی طالب و داعش نظارتیده بولگن منطقهلرده تشلهگن.
جوزجان ولایتی کینگش اعضاسی حلیمه صدف کریمینینگ سلاموطنداگه ایتیشیچه، امنیتی کوچلر جهازلریدن استفاده قیلیب داعش جنگریلری کوپراق کوچلهنیب اوروش میدانیگه چیقهدیلر.
جوزجان ولایتی کینگش اعضالریدن باشقه بیری حفیظالله ندرت خبرنی تأیید قیلیب درزاب تومنی امنیتی وضعیتیدن تشویش بیلدیریب، اوشبو تومن ممکن ینه طالبان و یا داعش قولیگه سقوط قیلسه دیدی.
حاضرگه قدر طالبان و داعش نظارتیده بولگن منطقهلرده اردونینگ اوچاقلری تشلهگن جهازلر و اکمالات مقداری و نیمهلیگی انیق بولمهگن.
اما جوزجان پولیس باشلیغی رحمتالله تورکستانینینگ سلاموطندارگه، اوچاق فننی قیینچیلیک تاپگنی اوچون داعش و طالبان نظارتیده بولگن منطقهلرده فقط نیچه صندوق امنیتی کوچلر اوقلرینی تشلهگن و اوچاقده بولگن باشقه جهازلرنی امنیتی کوچلر تسلیم آلگن دیدی.
