قندوز ولایتینینگ چهاردره تومنیده تشقی کوچلرنینگ هوایی هجومیده بیر عایلهنی 13 اعضاسی هلاک ایتیلگن و باشقه 6 تهسی یرهلنگن.
سلاموطندارگه صحبت بیرگن قندوز ولایت کینگشی اعضاسی خوشمحمد نصرتیارنینگ ایتیشیچه، اوشبو واقعه بوگون توش چاغی چهاردره تومنینینگ الکوزی قیشلاغیده یوز بیرگن.
شونینگدیک، چهاردره تومنینینگ ولسوالی زلمی فاروقی، بو هجومنی تصدیقلیدی، بیراق قربانلیگی توغریسیده هیچ نرسه دیمهیدی.
لیکن، قندوز ولایتیده کوماندو ارکانی باشلیغی سیفالدین عزیز، بو واقعهده تینچ اهالی هلاک ایتیلگنینی رد قیلیب ایتیشیچه، چهارده تومنیده تشقی کوچلرنینگ حمایتی ده افغان امنیتی کوچلری عملیات یولگه قویگن. جناب عزیز گه کوره، اوشبو واقعه قربانلری طالبان گروهی گه تیگیشلی بولهدی.
قوراللی طالبلر حاضرگچه بو توغریده هیچ نرسه دیمهگن.
