سلاموطندار ترماغی قولگه کیریتگن ویدیوده، اوروش جریانیده ملی اردو و ملی پولیسنینگ رنجری طالبان قولیگه توشگن لیگی کوزه تیلهدی. اوشبو ویدیوده، مذکور موترلرده قورالی طالبلرنینگ آق و داعشنینگ قاره بیراغی تیکلهنیب بدخشاننینگ درهخستک منطقهسیده گزمه بولگنلیگی کورینهدی. درهخستک بدخشان ولایتیده طالباننینگ مرکزی حسابلنهدی.
بدخشان ولایت کینگشینینگ اعضاسی عبدالله ناجی نظرینینگ سوزلریگه کوره، چیت ایللیک ترورچیلر هییتنینگ بیرینچی کونی جرم تومنینینگ خستک درهسیده بیراغ تیکلهگن. ولایت کینگشی نینگ مذکور اعضاسی، اوشبو گروه نینگ اعضالری بولدن آلدین هم ولایت ده فعالیتگه اولگورگن لر دیدی.
نمایندهلر مجلسیدهگی بدخشان ولایتینینگ نمایندهسی زکریا سودا بوگون ملی مجلسنینگ عمومی ییغینیده، هییتنینگ بیرینچی کونی چمهسی 400 جنگری بدخشان ولایتی نینگ جرم تومنیده ییرلشگنلیگلرینی ایتگن.
شونینگدیک سلاموطندار بیلن صحبت اوتکزگن ولایت والیسی فیصل بیگزادهگه کوره، داعشگه علاقهدار کیشیلر نیچه مرته تینچ اهالی همده ملی کوچلرنی قولگه آلیب باشینی کیسگنلر.
ولایت والیسی، داعشنینگ شیخ نثار ناملی جلادی یولداشلری بیلن بوندن نیچه وقت آلدین افغان ملی کوچلری طرفیدن اوتکزیلگن عملیات عاقبتیده ولایتنینگ کوفآب منطقهسیده نابود ایتیلگن لیکلرینی تیلگه آلگن.
جناب بیگزادنینگ سوزلریگه کوره، حاضرگی کونده داعشنینگ کیشیلر بیانات ترقهتیب، مذکور گروه اوچون حربی قرارگاهلر تاسیس قیلیشگه سعی وحرکت باشله گنلر.
ولایتده قورالی طالبلر بیلن داعش گروهی اورتهسیده آتیشمه یوز بیریشی ممکن لیگی ایتیلهدی. بوندن نیچه هفته آلدین ملا منصورگه وافادار کیشیلر بیلن داعش حرکتی اورتهسیده پیدا بولگن قرمه قرشلیکلر نتیجهسیده کوفآب تومنینینگ راغستان منطقهسیده آواره بولگن جنگریلر افغان ملی کوچلری تمانیدن نابود ایتیلگن لیکلری ایتیلهدی.
بدخشان پولیس قوماندانی جنرال سخی اندرابینینگ ایتیشیچه، چیت ایللیک ترورچیلر عملده مذکور ولایتده فعالیت قیلهدی. شونینگدیک ولایت امنیه قوماندانی، بدخشانده تخمیناً چیت ایللیک 200 جنگری بارلیگینی اعتراف قیلگن.
نمایندهلر مجلسینینگ باشلیغی عبدالرووف ابراهیمی، افغانستاننینگ شمال شرقیده جایلشگن بدخشان ولایتیده چیت ایللیک تروچیلر ییرلشگن لیگی جدی آلینیشی سورهگن.
