افغانستان حکومتینینگ بلند مرتبهلی رسمیلری امریکهگه بولگن رسمی سفرینینگ ایکینچی کونیده جمهور رییس بارک اوباما بیلن اوچرشدیلر.
اوشبو اوچره شووده افغانستان جمهور رییسیغنی اوتکزیلگن مصلحتی لویه جرگهگه اشاره قیلیب ایتیشیچه، مصلحتی لویه جرگه اوتکزیلیشی و رسمی کابل بیلن واشنگتن اورتهسیده مدافعهوی همده امنیتی بیتیمگه قول قوییلیشی نمایندهلر تصدیغیدن افغانستانده ملی بیر اجماع بارلیگیدن دَرک بیرهدی.
جنابغنی امریکه و افغانستان علاقهسی ینگی باسقیچنی باشلهگن لیگیگه اشاره قیلیب، مذکور علاقه دایمی و بنیادی بولیشی بارهسیده گپیرگن.
ایتیلیشیچه، مذکور سفرنینگ تفصیلاتی مذاکرهلر اوز پایانیگه ییتگندن سونگ عاموی اخبارات واسطهلری اختیاریگه قوییلهدی.
افغانستان جمهور رییسلیک سرایینینگ مطبوعات خذمتیدن نشر ایتیلگن خبرنامهده، مذکور اوچرهشووده اقش مدافعه وزیری اشتون کارتر، کانگرس دن 350 مینگ کیشیلیک افغان ملی کوچلری بودجهسینی 2017- ییلگه قدر تصدیقلب حمایتینی آلیشدن سوز بیرگن.
نیویارک تایمیزنینگ افغانستان رهبرلرینینگ امریکاگه قیلگن سفریگه بغیشلب یازیشیچه، افغانستان جمهور رییسی امریکه قوشمه ایالتلرینینگ بیرگن قربانلیکلریدن منتدارچیلیک قیلیش همده بو مملکت همکارلیکلرینی جلب ایتیشگه مذکور مملکتگه سفر قیلگن. غنی، امریکا وافغانستان علاقهسی یخشی لهنیشدن سوز بیرگن.
کوندهلیک نینگ یازیشیچه، امریکا قوشمه ایالتلری اوز حربیلرینی افغانستاندن آلیب چیقیشگه قرار قیلگن ایدی، اما کورینیشیچه جمهور رییسغنینینگ دیپلوماسیسی اوشبو قرارنی کیینگه قالدیریشی ممکن.
افغانستان و امریکا نینگ ینگی علاقهسی
افغانستانلیک سیاسی تحلیلچی فاروق بشر، مملکت رهبرلرینینگ امریکهگه قیلگن سفری بارهسیده ایتیشیچه، مذکور سفر جریانیده مهم یوتوقلر جملهدن امریکه حربیلرینی آلیب چیقیش جریانی کیینگه قالدیریلیشی و افغانستان ملی کوچلریگه حربی و مالی ساحهلرگه همکارلیکنی قیتهدن جلب ایتیش دیر.
بیلیم یورتنینگ استادی همده خلق ارا تحلیلچی امین حیدری، افغانستان ملی بیرلیک حکومتی رهبرلری اوچون ییریک بیر فرصت یرهتیلگن لیگینی بیلدیرگن. اونگه کوره، مذکور سفرده افغانستان سابق جمهور رییسی حامد کرزی زمانیدهگی توشونماووچیلیکلرگه پایان بیریشی ممکن.
حیدریگه کوره، جمهور رییس غنی تشقی سیاستلریگه اوشبو روش بیلن ایش آلگن تقدیرده، بوندهی علاقهلر افغانستان کیلهجگی اوچون ایجابی تاثیری بار.
شونینگدیک افغانستان جمهور رییسی اشرفغنی امریکه قوشمه ایالتلریگه قیلگن سفریده، سونگی اون اوچ ییل جریاینده امریکه افغانستانده امنیت و برقرارلیک تامین ایتلیشی اوچون بیرگن قربانلیکلردن منتدارلیک قیلگن. افغانستانده طالبلر توزیمی آغدیریلگن دن بیری امریکه2215 حربیسی هلاک ایتلگن.
نیویارک تایمزنینگ یازیشیچه، جمهور رییسغنی امریکه برابریده بولگن بوندهی تویغوسی بیلن امریکه همکارلیگینی جلب قیلیشگه موفق بولگن.
افغانستان ملی بیرلیک حکومتینینگ رهبرلری مذکور بیش کونلیک سفر دوامیده امریکه دولتینینگ یوقاری مرتبهلی رسمیلری بیلن اوچرهشیب ملاقات اوتکزیشلری کوتیلهدی. شونینگدیک افغان رسمیلری واشنگتنده بیرلشگن ملتلر تشکیلاتینینگ باش کاتبی بانکیمون بیلن ملاقات قیلیشلری هم ریجه لنتیریلگن.
