افغانستانده امریکا نینگ قیته قوریش لایحهلرینی نظارت قیله دیگن اداره (سیگار) یقینده نشر قیلگن حساباتیده اوروشده افغان ملی کوچلری تلفاتی سانی آشگن لیگینی معلوم قیلگن.
گزارشده امنیتی کوچلرنینگ تلفات میزانی اوتگن ییلده 5مینگ بولگن و یرهلنگلر سانی 15 مینگ، اما بو رقم ایسه جاری ییلده 5523 حربی قربان بولیب و9665 عسکر یرهلنگنی قید ایتیلگن.
اما، ایچکی ایشلر وزیرلیگی نینگ سوزلاووچیسی صدیق صدیقی، دولت قوراللی مخالفلری نینگ هجومی اوتگن ییلگه قرگنده شددتلنگی نظرده توتیلگن حالده، بو ییلنی اوتگن ییل بیلن سالشتیریش اونچه لیک توغری ایمس دیگن.
جناب صدیقیگه کوره، افغان ملی کوچلری دولت قوراللی مخالفلری بیلن بولگن اوروشده آغیر تلفات کورگنلر، شونگه قرهمی ملی کوچلر مملکتنی مدافعه قیلیش اوچون ترورچیلیککه قرشی کورهش اوچون تیارلر.
ایچکی ایشلر وزیرلیگی ساحهنینگ متخصص کیشیلری لازم بولگن لوازملرگه ایشگه آلینیشلرینی ایتهدی جناب صدیقی.
افغانستانده ناتوحربیلری نینگ باش قوماندانی جنرال نیکلسون اوتگن هفته افغانستان ملی کوچلری نینگ رهبریتیده مدیریت سیزلیک «موفقیت سیزلیک و کمچیلیک» سبب ملی کوچلر تلفاتی سانی آشگن لیگیگه سبب بولگن لیگینی تیلگه آلگن بیر پیتده سیگار هم افغان حربیلری تلفاتی رقمی کوپیگن لیگینی اعلان قیلدی.
