اوتگن اوچ کونده کابل و باشقه بیرقطار ولایتلر کیین مه کیین پارتلشلر و قوراللی آتیشمهلرگه گواه بولدی.
سلاموطندار تامانیدن قولگه کیریتیلگن معلومات اساسیده، مملکت نینگ 9 ولایتیده قوراللی آتیشمهلر، هوایی هجوملر، خودکش هجوملر و ییرلشتیریلگن ماینلر پارتلشی نتیجهسیده، تینچ اهالی شامل امنیتی و طالبان کوچلریدن 136 کیشی هلاک و باشقه 189 کیشی یرهلنگن.
گزارشلرگه کوره، اوتگن اوچ کونده، 42 امنیتی عسکر، 29 تینچ اهالی و 60 طالب هلاک ایتیلگن و شونینگدیک، 124 تینچ اهالی، 61 امنیتی عسکر و 4 طالب یرهلنگن.
سلاموطندار تامانیدن قولگه کیریتیلگن رقم اساسیده، اوتگن اوچ کونده، 7 پولیس عسکر قندهارده و 15 طالب هلمند ده هلاک ایتیلگن. شونینگدیک، بغلانده 2 عسکر و 9 طالب هلاک و باشقه 8 عسکر یرهلنگن.
فاریاب ولایتیده اوتگن اوچ کونده، 36 طالب و 4 امنیتی عسکر هلاک ایتیلگن و هرات ولایتیده هم 3 تینچ اهالی هلاک و باشقه 32 تینچ اهالی یرهلنگن.
شونینگدیک، پکتیاده 7 امنیتی عسکر، جوزجانده 17 امنیتی عسکر و لوگرده 14 طالب هلاک ایتیلگن.
یالغیز چهارشنبه کون کابل نینگ آلتینچی حوزهسیده یوز بیرگن پارتلشده چمهسی 159 کیشی هلاک ایتیلیب و یرهلنگن.
واقعه گواهلری نینگ ایتیشیچه، پارتلش جوده هم کوچلی بولگنی باعث، واقعه محلی نی 500 مترلیگی ده بولگن بنالرنی شیشهلری سینگن.
ایچکی ایشلر وزیرلیگی نینگ خوفسیزلیک ییریک اورین باسری خوشحال سادات نینگ ایتیشیچه، موترده جایلشتیریلگن بمب پارتلهشی عاقبتیده، 4 امنیتی عسکر و 10 تینچ اهالی هلاک و باشقه 145 پولیس و تینچ اهالی یرهلنگن.
شونینگدیک، ایکی کیچه آلدین کابل ولایتی بگرامی تومنی، سکیزینچی و 15- ناحیهلریده امنیتی کوچلر داعش گروهی نینگ اوچ باشپناهی اوستیگه هجوم قیلگن و نتیجهده، 2 داعش و 3 امنیتی عسکر هلاک ایتیلگن.
عین حالده، جمهورلیک ریاست سرایی تامانیدن ترقهتیلگن خبرنامهده یازیلیشیچه، جمهور رئیس غنی خوفسیزلیک ادارهلریگه کته شهرلر اینیقسه کابل شهری نینگ خوفسیزلیگی جدی شکلده تأمینلنیشی خصوصیده بویروغ بیرگن.
