ایلکبار کیسیم/ حوت آیی نینگ 9 «افغانستان امنیتی کوچلری کونی» نامیده ملی بیرلیک حکومت باشلیغلری و امنیتی رسمیلر اشتراکیده ملی مدافعه وزیرلیگیده کوتیب آلیندی.
اوشبو مراسمده جمهور رییس اشرف غنی جنگریلرگه قرشی امنیتی کوچلرنینگ کورهشینی آلقیشلب ایتیشیچه، حکومت امنیتی کوچلرگه اورگهنیش زمینهسی و یخشی جهازلنتیریب مذکور کوچلر تلفاتی آلدینی آلیشگه کورهشهدی.
جناب غنیگه کوره، امنیتی کوچلر فنی شکلیده اورگنسهلر اوشنچه بولرنینگ اوروشلرده تلفاتلری سانی آزه یهدی.
جمهور رییس نینگ کوپهیتیریشیچه، ییل اوتیشی بیلن امنیتی کوچلر ینگی قوراللر بیلن جهازلنیب بارماقده و جنگرلریگه قرهتیب ایتیشیچه، افغانستاننی اوروش میدانی قیله من دیگنلر نابود قیلینهدی.
اجراییه رییسی عبدالله عبدالله، امنیتی کوچلر خانهدانیگه ایتیش امنیتی نهادلر اوچون ایریک مسؤولیت بیلهدی و ایتیشیچه، امنیتی کوچلر کورهشی حق و بولر مملکت ملی حاکمیتی و یشاوچیلردن دفاع قیلهدیلر.
ملی مدافعه وزیری عبدالله حبیبی هم اردو کوچلرینی مسلکی قیلیش، اوروش فنلریگه یخشی تانیتیش و اداری بولیمیده اصلاحات کیلتیریشنی مذکور وزیرلیک بیرینچی ایشلریدن عنوان قیلدی.
اونگه کوره، اردو کوچلری اوروش فصلیده تیارگرلیک آلگنلر و کیلگوسی تورت ییلگه قدر بوکوچلر یوکسهتیش برنامهلری اوستیده ایش جریانی بار.
مملکتیدن دفاع قیلیش اوچون یریم اعضالرینی قولدن بیرگن امنیتی کوچلر، 9-کیسیم امنیتی کوچلر ملی کونیدن استفاده قیلیب، حکومتدن امنیتی کوچلردن اوروشلرده قربان بولگنر و یرهلنگنلرگه جدی توجه قیلیشلرینی ایسته یدیلر.
.jpg)
نیچه ییلدن بیری پولیس صفیده ایشلب کیلهدیگن منصور فقیری یاپیشتیریلگن ماین پارتلهنیشی بیلن ایکی ایاغینی قولدن بیردی، حاضر هم کوپلب قیینچیلیکلر بیلن اوشبو قتلمده ایش قیلیب کیلماقده. اونینگ سلاموطندارگه قیلگن صحبتده ایتیشیچه، مملکتی و خلقی اوچون خدمت قیلیشدن جان بیرگونگه قدر چیکینمهیدی.
9 کیسیم/حوت کوتیب آلینیش اداغیده، جمهور رییس امنیتی کوچلردن بیرقطاریگه افتخار مدالی بیردی و جانینی قولدن بیرگن امنیتی کوچلر خانهدانیگه نقدی کومک قیلدی.
