.jpg)
تخار ولایتی نینگ ورسج تومنیدن بولگن عایله حکایهسی و بو عایله اعضالری نینگ ایتیشیچه، پولیس کوچلری تامانیدن عملگه آشیریلگن واقعه عایله اعضالرینی شاشینتیرگن.
تخار ولایتی نینگ ورسج تومنی قوندوز منطقهسی سنگاب قیشلاغی یشاوچیسی 70 یاشیده بولگن نصیر بای نینگ ادعا قیلیشیچه، مذکور ولایت پولیسی جیینی معارف نی صحرایی بیر محکمه یولگه قوییب آتیب تشلهگن.
نصیربای نینگ ایتیشیچه، پولیس کوچلری جیینی معارف نینگ کمیده بیر آی آلدین عایله اعضاسی نینگ حضوریده آتیب اولدیرگن.
نصیربای نینگ کوپهیتیریشیچه، بیر آی آلدین ایرتهلب ساعت اوچ یریم ده مسجد تامان بارهیاتگن چاغیده محل پولیسی اونی قمراوگه آلیب و قولگه آلگنیدن سونگ، داراب بای نینگ آلدیگه آلیب بارهدی و اوندن قولیدهگی قورالی بیلن اولرگه بویینگ اینگیشینی طلب قیلهدی.
اونگه کوره، داراب بای ناقانونی قورالی بیلن محل اهالیسی دن باج آلیش و اولرنی کلتکلش گه عیبلنگن.
بو واقعهدن سونگ، پولیس کوچلری، داراب بای نی قولگه آلیش اوچون باشقه هیچ بیر عملیات عمل گه آشیرمهگن.
داراب بای نینگ آنهسی زینب نینگ ایتیشیچه، ایکی عسکر معارف نی بوتون عایله اعضالری نینگ حضوریده آتیب تشلهگن و بو واقعه باشقهلر اوچون پند بولسین دیگنلر.
داراب بای نینگ آنهسینی کوپهیتیریشیچه، اوغلی پولیس کوچلری نینگ قولی گه توشیدن قورقهدی و قولگه آلینگن صورتده، محکمه قیلینمسدن آتیب تشلنهدی.
گزارشلر اساسیده، اوشبو عملیات تخار پولیس قومندانی حشمت مسلم، ورسج تومنی ولسوالی خالمحمد خردمند و باشقه بیرقطار پولیس افسرلری نینگ حضوریده عمل گه آشیریلگن.
.JPG)
بیراق، تخار پولیس قومندانلیگی مسؤوللری نینگ ایتیشیچه، معارف پولیس کوچلری بیلن قیلگن آتیشمه ده هلاک ایتیلگن.
تخار پولیس قومندانلیگی سوزلاوچیسی خلیل اسیرنینگ ایتیشیچه، معارف عایله سی نینگ ادعاسینی اساسی یوق دیر و او، داراب بای نی قولگه آلیش اوچون بارگن امنیتی کوچلر بیلن قیلگن آتیشمه ده اولدیریلگن.
شونینگدیک، سنگاب قیشلاغی جادهلرینی قوریش ایشی بیلن مشغول افغان پیروزی شرکت مسؤولی سید برهان هاشمی نینگ ایتیشیچه، معارف بو شرکت نی ایشلاوچیسی ایدی و داراب بای بیلن امنیتی کوچلرنی آرهسیده یوز بیرگن آتیشمهده هلاک ایتیلگن.
سلاموطندارگه صحبت بیرگن قندوز ولایتیده انسان حقلری کمیسیونی نینگ ولایتی دفتری مسؤولی سید حفیظالله فطرت نینگ ایتیشیچه، صحرایی محکمه یولگه قوییلیشی قانون گه قرشی دیر و بو عایله نینگ ادعاسی جدی شکلده تیکشیریلیشی کیرهک.
معارف عایلهسی اعضالری نینگ ایتیشیچه، شکایتلرینی تخار محلی حکومتی گه ییتکزیش اوچون نیچه مرته سعی و حرکت قیلگنلر، بیراق ورسج تومنی پولیس قومندانلیگی تامانیدن آلدیلری آلینگن.
عین حالده، تخار پولیس قومندانلیگی مسؤوللری نینگ ایتیشیچه، بو خصوصده بولگن هر قندهی شکایت تیکشیریلهدی.
