محلی حکومت مسووللری، طالبلر فاریاب ولایتی غورماچ تومنی نینگ ایریم پوستهلریگه هجوم قیلیب، مذکور ولسواللیک قوماندانی قوشیمچه تینچ اهالی و حربیلرنی اوزلری بیلن بیرگه آلیب کیتگن و هنوزگچه هم اولرنینگ تقدیری بارهسیده معلومات یوق لیگینی ایتگنلر.
عین حالده، مذکور ولسواللیکنی جنگریلر اشغالیدن آزاد ایتیلیشی اوچون «شمشیر 15» ناملی عملیات باشلنگنی خبر قیلیندی.
فاریاب ولایتیده شاهین 209- قول اردو بیرینچی لواسینینگ سوزلاووچیسی محمد رضا رضایی، غورماچ ولسواللیگی جنگری طالبلر تصرفیدن آزاد ایتیلیشی اوچون حربی تازهلش عملیات باشلنگنلیگینی بیلدیرگن. او، ایکی کونده ایجابی نتیجهگه ایریشیلیشینی ایتیب، ولسوالیک قیتهدن قوراللی طالبلر قولیدن آزاد ایتیلهدی دیگن.
شونینگدیک فاریاب رسمیلری بوگون (دوشنبه) باشقه بیر قطار پوستهلر هم قوراللی طالبلر نظارتیگه اوتگن لیگیدن خبر بیرماقدهلر.
ولایت کینگشینینگ رییسی سیدعبدالباقی هاشمینینگ سلاموطندارگه معلوم قیلیشیچه، مذکور پوستهلر ایکی کون دولت قوراللی مخالفلری بیلن ملی کوچلر اورتهسیده آغیر اوروش اوتکندن سونگ جنگریلر اشغالیگه اوتگن. فاریاب ولایت کینگشی رییسی، اوشبو پوستهلر جنگریلر نظارتیگه اوتگندن بیری 35 نفر ملی کوچلر درکسیز یوقالماده دیگن.
عین حالده، نمایندهلر مجلسینینگ اعضاسی نقیب الله فایق، ملی کوچلرنینگ اونلب عسکری قوراللی طالبلر تامانیدن شفقتسیز روشده اولدیریلگنلر دیگن. اونگه کوره، ملی کوچلرنینگ 50 نفر حبسگه آلینگن. او، ولسواللیک سقوط قیلیشی اوچون بیرینچی دلیل مرکزی حکومتنی تفاوتسیز قالگنی باعث دیگن.
فایق، مذکور ملی کوچلر قوتقزیلیشی اوچون حکومت هیچ قندهی همکارلیک قیلمهگنلیگی بارهسیده تاکیدلهگن و هوا وضعیتی بوزوقلیگی سبب تیک اوچرلر هم ایش بیرمهگن.
باشقه تاماندن محلی رسمیلرگه کوره، نابرقرارلیکلر سبب مذکور ولسواللیکدن 400خانهدان آواره بولگنلر. خبرنی تصدیقلهگن تومن ولسوالی حاجی عسلخانگه کوره، افغان ملی کوچلری بیلن جنگری طالبلر اورتهسیده روی بیرگن اوروشده 11 طالب هلاک بولگن و11 ته ایسه تن جراحتی آلگن دیگن.
شنبهدن یکشنبهگه اوتر کیچهسی قوراللی طالبلر گروهی هجوم قیلیب غورماچ ولسواللیگینی تصرف قیلدیلر. ایتیلیشیچه، ولسواللیک بناسی، امنیه قوماندانلیگی و بازار جنگریلر طالبلر نظارتیگه اوتگن. ولایتنینگ نمایندهلر مجلسیدهگی اعضاسی اوشبو ولسواللیک سقوط قیلیشی اوچون بیرینچی سبب ملی کوچلر آیلیگی تولنمهگنی و ییترلی درجهده قورال اسلحه بولمهگنی باعث بولگن لیگینی تیلگه آلگن.
