بوگون (سهشبنه) نمایندهلر مجلسینینگ اعضالری کابل گارنیزیون قوماندانلیگینی ایش سیزلیککه عیبلب، گارنیزیون مسووللرینی کارته سخیده هجوم اویوشتیریشی بارهسیده معلوماتی بولگن، بیراق هجوم آلدی آلینیشی اوچون موفق بولمهگنلر دیگن.
نمایندهلر، کابلنینگ کارتهسخی منطقهسیده اویوشتیریلگن هجوم اوچون کابل گارنیزیون قوماندانی گلنبی احمدزی عیبدار، بو کیشی ایچکی ایشلر وزیرلیگی تامانیدن ایشدن آلینیشینی سورهگنلر.
نمایندهلر مجلس اعضاسی غلام ناصر حسینیگه کوره، مادامیکه کابل گارنیزیون قوماندانی هجومدن خبری بار ایکن، نیمه اوچون حادثه آلدینی آلیشگه موفق بولمهگن.
ملی مجلسنینگ باشلیغی عبدالرووف ابراهیمی، امنیت ادارهلر مسووللری اینیقسه کابل گارنیزیون قوماندانی عاشورا مراسمی امنیتی تامین بولیشی اوچون بی فرق یاندهشگنلیگی سبب اونلب کیشی قربان بولدی دیگن.
جناب ابراهیمیگه کوره، تروچیلر بوندهی هجملرنی صادر قلیش بیلن افغانستان خلقی اورتهسیده فتنه توغدیریشگه سعی و حرکت قیله دیلر.
بو توغریده کابل گارنیزیون ادارهسی مسووللرینی بو توغریده فکرینی اورگهنیش اوچون آلیب بارگن سعی و حرکتلریمیز نتیجه بیرمه دی.
سهشنبه آقشام کیچکی پیت کابلنینگ کارتهسخی منطقهسیده اویوشتیریلگن هجومده اونلب انسان اولیب یره لنگن ایدی.
