افغانستان جمهور رییسی محمداشرفغنی اروپاگه قیلگن آلتی کونلیک سفری جریانیده بوگون سویدن دولت بلند مرتبهلی رسمیلری بیلن اوچرهشگن. ایتیلیشیچه، بو جمهور رییسنینگ اروپا دولتلری رهبرلری بیلن قیلهجک سونگی ملاقاتی بولهدی. شونینگدیک ملاقاتده اساسن افغانستانلیک قاچقینلرنینگ مسالهسی محاکمه ایتیلیشی کویتیلهدی.
گزارشلرده جمهور رییسغنی سویدن ولیعهدی ملکه ویکتوریا، باش وزیری ستیفن لوین و تشقی ایشلر وزیری مارگوت والستورم بیلن اوچرهشیب ملاقات اوتکزیلیشی ریجهلنتیریلگن. شونینگدیک ملاقاتلرده افغانستان بیلن سویدن سیاسی، حربی، مدنی و اقتصادی علاقهسی توغریسیده هم صحبت ایتیلهدی.
شونینگدیک افغانستان جمهور رییسی بیلن اوچرهشهدیگن سویدن دولتینینگ بلند مرتبهلی رسمیلری بو مملکتدهگی افغانستانلیک قاچقینلر مسالهسی بارهسیده هم گپیریشلری ایتیلهدی.
بو مملکت ایچکی عاموی اخبارات واسطهلری بیلن صحبت قیلگن سویدن تشقی ایشلر وزیری افغانستان رهبری بیلن بولهجک ملاقاتلرده ایریم قاچقینلرنی بو مملکتده قالیش مسالهسی قبول بولیشی و بیر قطاری ایسه قیتهدن مملکتلریگه جونهتیلیشی اوستیده صحبتلر باشلنگن لیگینی معلوم قیلگن.
یالغوز جاری ییلده 11000افغانسانلیک مهاجر نا قانونونی روشده سویدن بارگنلر. بومملکت رسمیلریگه کوره، بو ساندهگی قاچقینلرگه یشش شرایطی یرهتیلمسلیگی مملکن.
بیرلشگن ملتلر تشکیلاتی عالی کمیسارلیگینینگ حساباتیده جاری ییلده مملکتنی ترک قیلیب 122مینگ انسان اروپاگه یول آلگن.
افغانستان جمهور رییسی جناب غنی اوتگن هفته بلند مرتبهلی بیر هیت ییتکچیلیگیده آلتی کونلیک سفر بیلن فرانسه بارگن ایدی. شونینگدیک مذکور سفر جریاینده غنی ایتالیا و آلمان رسمیلری بیلن هم ملاقات قیلگن.
